रत्नागिरी : पुढारी वृत्तसेवा : मुंबईतील छत्रपती शिवाजी महाराज टर्मिनस ते गोव्यातील मडगावदरम्यान वन-वे स्पेशल ट्रेन दि. 9 जून रोजी धावणार आहे. यासंदर्भात कोकण रेल्वेकडून देण्यात आलेल्या माहितीनुसार, गाडी क्रमांक 01149 मुंबई सीएसएमटी-मडगाव जंक्शन वन-वे स्पेशल ट्रेन ही वन-वे स्पेशल गाडी शुक्रवार, दि. 9 जून 2023 रोजी मुंबई सीएसएमटी येथून पहाटे 5 वा. 30 मिनिटांनी सुटेल आणि मडगाव जंक्शनला ती त्याच दिवशी सायंकाळी पाच वाजून 20 मिनिटांनी पोहोचेल.
या गाडीला एकूण 16 एलएचबी श्रेणीचे कोच असतील. त्यात व्हिस्टाडोम 01 कोच, एसी चेअर कार 03 कोच, सेकंड सीटिंगचे 10 कोच, एसएलआर – 01 तर जनरेटर कार 01 असे डबे या गाडीला असतील. वन वे स्पेशल गाडीचे थांबे ही विशेष गाडी दादर, ठाणे, पनवेल, रोहा, खेड, चिपळूण, रत्नागिरी, कणकवली, सावंतवाडी रोड आणि करमाळी स्थानकावर थांबणार आहे.
