Sindhudurg : कुडाळ येथे ट्रक-दुचाकीचा अपघात, एक गंभीर!

कुडाळ : पुढारी वृत्तसेवा : मुंबई – गोवा राष्ट्रीय महामार्गावर सिंद्धुदुर्ग जिल्ह्यातील  कुडाळ उद्यमनगर येथे ट्रक व दुचाकी यांच्यात झालेल्या अपघातात दुचाकी स्वार गंभीर जखमी झाला आहे. हा अपघात आज (दि.१४) दुपारी 1.15 वाजताच्या सुमारास झाला. जखमीवर कुडाळ ग्रामीण रुग्णालयात उपचार सुरू करण्यात आले आहेत. (Sindhudurg)

Sindhudurg : अद्याप जखमीची ओळख पटलेली नाही

माहितीनुसार, सिंद्धुदुर्ग जिल्ह्यातील कुडाळ येथून सावंतवाडीच्या दिशेने मालवाहू ट्रक जात होता. उद्यमनगर येथील लेन पास करून ट्रक मिडलकट मधून पुढे जात असताना पिंगुळीहून कुडाळच्या दिशेने येणा-या येणा-या दुचाकीची ट्रकला जोराची धडक बसली. यात दुचाकीस्वार रस्त्यावर फेकला गेला. त्याला गंभीर दुखापत झाली असून, त्याला उपचारासाठी तातडीने कुडाळ ग्रामीण रुग्णालयात दाखल करण्यात आले आहे. कुडाळ पोलिसांनी लागलीच घटनास्थळी धाव घेत पंचनामा केला. जखमीची ओळख पटविण्याची कार्यवाही पोलिसांकडून सुरू करण्यात आली आहे.

हेही वाचा