सावंतवाडी (सिंधुदूर्ग ) : शहरातील खासकीलवाडा व माजगाव परिसरातील भरदिवसा दोन घरफोडीच्या घटना ताज्या असतानाच त्याच दिवशी (ता.२४) चराठा भागात आणखीन एक घरफोडी झाल्याची घटना समोर आली आहे. भरदिवसा तीन घरफोड्या झाल्याने पोलिस यंत्रणेने याचा छडा लावण्यासाठी कसून तपास केला आहे. या तिन्ही घटनांमध्ये चोरट्यांनी सुमारे १० लाखांच्या ऐवजावर डल्ला मारला आहे.
चराठा येथे झालेल्या घरफोडी प्रकरणी अज्ञात चोरट्याने सुमारे दहा हजारांची रोख रक्कम लंपास केली असून याबाबतची तक्रार लवू राजाराम चव्हाण (वय ५२) यांनी येथील पोलिस ठाण्यात दिली. त्यानुसार अज्ञाताविरुद्ध चोरीचा गुन्हा दाखल करण्यात आला आहे. याबाबत अधिक माहिती अशी की चव्हाण हे सकाळी आपल्या पत्नी समवेत कामानिमित्त बाहेर गेले होते. ते काल (ता.२४) सायंकाळी साडेपाच वाजण्याच्या सुमारास घरी परतले असता त्यांना घराचा मागील दरवाजा उघडलेल्या अवस्थेत दिसला. चोरट्याने मागील दरवाजा फोडून आत प्रवेश करत कपाटाच्या लॉकरमधील सुरक्षा कप्प्यातील दहा हजार रुपयांची रोकड लंपास केली. चोरीची घटना उघडकीस येताच त्यांनी रात्री उशिरा सावंतवाडी पोलिस ठाण्यात धाव घेत अज्ञात चोरट्याविरुद्ध गुन्हा दाखल केला.
हेही वाचा– अरे वा : आता देवरुखात उडणार सुखोई, मिराज….
चोरट्यांचा धूमाकूळ…
चोरीच्या वृत्तामुळे शहरात एकच खळबळ उडाली होती. यात माजगाव गरड व खासकीलवाडा येथील दोन्ही घरफोडीत सोन्या-चांदीचे दागिने व रोख रक्कम मिळून एकूण पावणेनऊ लाखांचा मुद्देमाल अज्ञात चोरट्यांनी लंपास केला होता. याबाबत भक्ती भरत गवस (रा. खासकिलवाडा) व अनुष्का आनंद देसाई (रा. माजगाव-गरड) यांनी सावंतवाडी पोलीस ठाण्यात काल तक्रार नोंदवली होती. त्यानुसार पोलिस ठाण्यात अज्ञात चोरट्याविरुद्ध गुन्हा दाखल करण्यात आला होता. सलग तीन घरफोड्या झाल्याने पोलिसांसमोरील आव्हान वाढले आहे. या प्रकरणाच्या कसून चौकशीला सुरवात झाली आहे.
सावंतवाडी (सिंधुदूर्ग ) : शहरातील खासकीलवाडा व माजगाव परिसरातील भरदिवसा दोन घरफोडीच्या घटना ताज्या असतानाच त्याच दिवशी (ता.२४) चराठा भागात आणखीन एक घरफोडी झाल्याची घटना समोर आली आहे. भरदिवसा तीन घरफोड्या झाल्याने पोलिस यंत्रणेने याचा छडा लावण्यासाठी कसून तपास केला आहे. या तिन्ही घटनांमध्ये चोरट्यांनी सुमारे १० लाखांच्या ऐवजावर डल्ला मारला आहे.
चराठा येथे झालेल्या घरफोडी प्रकरणी अज्ञात चोरट्याने सुमारे दहा हजारांची रोख रक्कम लंपास केली असून याबाबतची तक्रार लवू राजाराम चव्हाण (वय ५२) यांनी येथील पोलिस ठाण्यात दिली. त्यानुसार अज्ञाताविरुद्ध चोरीचा गुन्हा दाखल करण्यात आला आहे. याबाबत अधिक माहिती अशी की चव्हाण हे सकाळी आपल्या पत्नी समवेत कामानिमित्त बाहेर गेले होते. ते काल (ता.२४) सायंकाळी साडेपाच वाजण्याच्या सुमारास घरी परतले असता त्यांना घराचा मागील दरवाजा उघडलेल्या अवस्थेत दिसला. चोरट्याने मागील दरवाजा फोडून आत प्रवेश करत कपाटाच्या लॉकरमधील सुरक्षा कप्प्यातील दहा हजार रुपयांची रोकड लंपास केली. चोरीची घटना उघडकीस येताच त्यांनी रात्री उशिरा सावंतवाडी पोलिस ठाण्यात धाव घेत अज्ञात चोरट्याविरुद्ध गुन्हा दाखल केला.
हेही वाचा– अरे वा : आता देवरुखात उडणार सुखोई, मिराज….
चोरट्यांचा धूमाकूळ…
चोरीच्या वृत्तामुळे शहरात एकच खळबळ उडाली होती. यात माजगाव गरड व खासकीलवाडा येथील दोन्ही घरफोडीत सोन्या-चांदीचे दागिने व रोख रक्कम मिळून एकूण पावणेनऊ लाखांचा मुद्देमाल अज्ञात चोरट्यांनी लंपास केला होता. याबाबत भक्ती भरत गवस (रा. खासकिलवाडा) व अनुष्का आनंद देसाई (रा. माजगाव-गरड) यांनी सावंतवाडी पोलीस ठाण्यात काल तक्रार नोंदवली होती. त्यानुसार पोलिस ठाण्यात अज्ञात चोरट्याविरुद्ध गुन्हा दाखल करण्यात आला होता. सलग तीन घरफोड्या झाल्याने पोलिसांसमोरील आव्हान वाढले आहे. या प्रकरणाच्या कसून चौकशीला सुरवात झाली आहे.
News Story Feeds
