पुणे : मुंबईवरून लातूरला निघालेला ट्रक पुणे-सोलापूर रोडवर रामटेकडी येथे सकाळी साडेसात ते आठ च्या दरम्यान बस स्टॉपच्या कठड्याला धडकून पलटी झाला. या घटनेत ट्रकचे मोठे नुकसान झाले असून कोणतीही जीवितहानी झालेली नाही.(Truck accident on Pune-Solapur road Traffic jam)
पुणे-सोलापूर रोडवर रामटेकडी येथे बस स्टॉपच्या कठड्याला धडकून ट्रकचा अपघात झाला आहे. या अपघातामध्ये ट्रकचे मोठे नुकसान झाले असून यामध्ये कोणीही जखमी झालेले नाही. अनेक वेळा नागरिकांनी व वाहतूक पोलिसांनी तक्रार करून देखील हा कठडा येथून हटविण्यात आला नाही. गेल्या आठवड्यातच टेम्पो ट्रॅव्हलरची धडक बसून टेम्पो ट्रॅव्हलरचे देखील मोठे नुकसान झाले होते.
Also Read: मुलासह पत्नीच्या हत्येनंतर पतीची आत्महत्या; खानापूरमध्ये आढळला मृतदेह
दरम्यान, आज ट्रक रस्त्याच्या मधोमध पलटी झाल्यामुळे पुणे-सोलापूर रोडवर रामटेकडी ते काळुबाई चौक येथे वाहतूक कोंडी निर्माण झाली आहे .वाहतूक कोंडी कमी करण्याचे काम वाहतूक पोलिस करीत आहे.
Esakal
