जेरुसलेम – भारताचे परराष्ट्र मंत्री एस. जयशंकर पाच दिवसांच्या इस्राइल दौऱ्यावर आहेत. सोमवारी इस्राइल सेंटर फॉर पर्सन्स विथ डिसॅबिलिटीजतर्फे आयोजित कार्यक्रमात जेव्हा त्यांच्यासमोर बॉलीवूड गाणी सादर करण्यात आली, तेव्हा जयशंकर आणि त्यांच्या शिष्टमंडळ आश्चर्यचकीत झाले.
मेनाशे समाजातील दृष्टिहीन भारतीय ज्यू मुलगी दिना समते हिने परराष्ट्र मंत्री जयशंकर आणि त्यांच्या शिष्टमंडळाचे स्वागत केले. या मुलीने शाहरुख खानच्या ‘कल हो ना हो’ आणि ‘कुछ-कुछ होता है’ या चित्रपटातील हिट गाणी गायली. ज्यू मुलगी दीना समते शाल्वाच्या बँडचा भाग होती. गाणे संपल्यानंतर परराष्ट्र मंत्री जयशंकर यांनी तिच्यासाठी टाळ्या वाजवल्या. इस्रायलचे हंगामी पंतप्रधान आणि परराष्ट्र मंत्री जैर लापिद यांनी शाल्वा सेंटर येथे जयशंकर यांच्या सन्मानार्थ लंच पार्टीचे आयोजन केले होते.
हेही वाचा: आरोग्य भरतीत गोंधळ : न्यासा ब्लॅकलिस्ट करण्याच्या हालचाली
तरुणांशी साधणार संवाद-
शाल्वा सेंटर शारीरिकदृष्ट्या अक्षम लोकांची काळजी घेते आणि त्यांना सामाजिक समावेशासाठी संधी प्रदान करते. परराष्ट्र मंत्री जयशंकर हे इस्रायल संग्रहालयालाही भेट देणार आहेत. या व्यतिरिक्त, तो कोचीनी ज्यू समुदायाच्या काही तरुण सदस्यांशी संवाद साधणार आहेत
दिना ही २००७ मध्ये मणिपूरमधून इस्रायलमध्ये स्थलांतरित झाली आणि काही वर्षांपूर्वी इस्रायलच्या अधिकृत स्वातंत्र्य दिनाच्या कार्यक्रमात मशाल पेटवण्यासाठी निवडली गेली
होलोकॉस्ट पीडितांना श्रद्धांजली-
जयशंकर काही ‘थिंक टँक’शी संवाद साधणार आहेत. सोमवारी त्यांनी इस्रायलच्या याद वाशेममध्ये होलोकॉस्टच्या बळींना श्रद्धांजली वाहिली. ते म्हणाले की, ”होलोकॉस्ट स्मारक हे चुकीच्या गोष्टींविरुद्ध सामना करण्याचा आपला संकल्प मजबूत करते.
परराष्ट्रमंत्री एस जयशंकर पाच दिवसांच्या दौऱ्यावर रविवारी इस्राईलमध्ये दाखल झाले. इस्राईलमधील भारतीय ज्यू समुदाय येत्या काही वर्षांमध्ये दोन्ही देशांना आणखी जवळ आणेल असा विश्वास त्यांनी यावेळी व्यक्त केला.
Esakal
