टेस्टोस्टेरॉन (Testosterone) हे पुरुषांमध्ये आढळणारे सेक्स हार्मोन आहे. हे हार्मोन प्रजनन क्षमता, लैंगिक कार्य, हाडे आणि स्नायूंच्या आरोग्यासाठी खूप महत्वाचे आहे. वयानुसार, टेस्टोस्टेरॉनची पातळी देखील कमी होते. काही आजार किंवा चुकीची जीवनशैलीमुळे टेस्टोस्टेरॉनवर वाईट परिणाम होतो. आरोग्य तज्ञांचे म्हणणे आहे की, काही खाद्यपदार्थ टेस्टोस्टेरॉन उत्पादनाची पातळी वाढवण्याचे काम करतात
व्हिटॅमिन डी सह कमी फॅटयुक्त दूध – दूध हे प्रथिने आणि कॅल्शियमचे उत्तम स्त्रोत आहे. हाडे मजबूत करण्याव्यतिरिक्त, ते पुरुषांमध्ये टेस्टोस्टेरॉन वाढवण्याचे काम करते. आपण व्हिटॅमिन डी ने युक्त असलेले दुधच निवडायला हवं. कमी चरबीयुक्त स्किम मिल्क हा एक चांगला पर्याय आहे. त्यात संपूर्ण दुधासारखेच पोषक घटक असतात.
अंड्यातील पिवळ बलक- अंड्याच्या पिवळ्या बलकामध्ये भरपूर प्रमाणात व्हिटॅमिन डी असते. ते काही प्रमाणात कोलेस्टेरॉल वाढवण्याचे काम करते, परंतु पांढऱ्या भागापेक्षा अंड्याच्या बलकामध्ये जास्त पोषक घटक आढळतात. अंड्यातील पिवळ बलक टेस्टोस्टेरॉन वाढवते. आरोग्य तज्ञांचे म्हणणे आहे की, जर तुम्हाला आधीच कोलेस्टेरॉलची समस्या नसेल तर तुम्ही आत्मविश्वासाने दररोज एक संपूर्ण अंडे खाऊ शकता.
फोर्टिफाइड तृणधान्ये- प्रथिनांनी समृद्ध असण्यासोबतच अंडी कमी टेस्टोस्टेरॉनच्या समस्येत देखील मदत करते. परंतु जर आपल्याला कोलेस्टेरॉलची समस्या असेल, तर आपण आपल्या आहारात फोर्टिफाइड धान्यांचा समावेश करू शकता. काही फोर्टिफाइड धान्यांमध्ये व्हिटॅमिन डी भरपूर असते. आपल्या दिवसाची सुरुवात नाश्ता फोर्टिफाइड तृणधान्ये खाऊन करा. यामुळे तुमच्या टेस्टोस्टेरॉनची पातळीही वाढेल.
बीन्स- जेव्हा जेव्हा पुरुषांच्या हार्मोन्सशी संबंधित कोणत्याही समस्येबद्दल चर्चा होते, तेव्हा उपाय म्हणून बीन्सचे नाव प्रथम येते. बीन्स अनेक प्रकारे पुरुषांसाठी खूप फायदेशीर आहे. शेंगा, जसे की चणे, मसूर आणि भाजलेले बीन्स, हे सर्व झिंकचे चांगले स्रोत मानले जातात. बीन्समुळे टेस्टोस्टेरॉनचे प्रमाण वाढवण्यासोबतच फायबर आणि प्रथिने देखील शरीराला भरपूर प्रमाणात मिळतात. तसेच हृदयरोगापासून संरक्षण होते.
आले- आले हे शतकानुशतके अन्न किंवा औषधांमध्ये वापरले जात आहे. संशोधनानुसार आले पुरुषांची प्रजनन क्षमता सुधारते. 2012 च्या एका अभ्यासात असे आढळून आले आहे की, 3 महिने आल्याचे सेवन केल्याने टेस्टोस्टेरॉनची पातळी 17.7 टक्क्यांनी वाढली. या व्यतिरिक्त आल्यामुळे शुक्राणूंची गुणवत्तादेखील सुधारते.
Esakal
