मकोकचुंग, नागालँड – नागालँडचा हा डोंगराळ प्रदेश आओ नागा जमातीच्या लोकांच्या संस्कृतीचे केंद्र आहे. जे त्यांच्या प्रसिद्ध मोत्सू उत्सवासाठी प्रसिद्ध आहेत. १३२५ मीटर उंचीवर वसलेले मकोकचुंग येथे वर्षभर चांगले हवामान असते. या वैशिष्ट्यामुळे हे ठिकाण बारा महिने भेट देण्याची संधी देते.
परुळे, महाराष्ट्र – महाराष्ट्रात मुंबई आणि गोव्या दरम्यान हे शहर अलिकडेच लोकप्रिय ऑफबीट डेस्टिनेशन म्हणून उदयास आले आहे. येथील माचली नावाचे ठिकाण अतिशय प्रसिद्ध आहे, जे पर्यटकांना नैसर्गिक अनुकूल अनुभव देते. येथे तारकर्ली नावाच्या ठिकाणी स्कुबा डायव्हिंगसह जलक्रीडांचा आनंद घेता येतो. याशिवाय लोकांच्या नजरेपासून लपलेल्या प्रिस्टाइन भोगवे बीचलाही भेट देता येईल.
नागापट्टिनम आणि पिचावरम, तमिळनाडू – तामिळनाडूच्या किनारपट्टीचा अनुभव अनेकदा चेन्नई, पाँडिचेरी आणि कन्याकुमारी किनारपट्टीपर्यंत मर्यादित राहिला आहे. तथापि जे लोक शांत वातावरण आणि किनारी भाग पसंत करतात, ते नागापट्टिनम आणि पिचावरम सारख्या ठिकाणी देखील भेट देऊ शकतात.
धौलावीरा, गुजरात- गुजरातच्या कच्छमधील धोलावीरा हे केवळ एक शानदार ठिकाणच नाही तर ते भारताच्या प्राचीन आणि रहस्यमय इतिहासाचीही माहिती देणारं ठिकाण आहे. धोलावीराचे ‘हडप्पा स्थळ’ कच्छ सरोवराच्या रणाच्या अगदी मध्यभागी वसलेले आहे. हे ठिकाण सिंधू संस्कृतीतील सर्वात प्राचीन ठिकाणांपैकी एक आहे. गेल्या काही वर्षांमध्ये, लोकांना ही जागा अधिक आवडायला लागली आहे.
असगाओ, गोवा – जर तुम्हाला गर्दी आणि गोंगाटापासून काही आरामदायी क्षण घालवायचे असतील, तर दक्षिण गोव्यातील हे ठिकाण तुमच्यासाठी योग्य ठिकाण आहे. उत्तर गोवा टूरिस्ट झोनच्या पलीकडे, आसगाओ हे गाव फार कमी पर्यटकांनी पाहिलं आहे. आपल्या सौंदर्य आणि इको-स्टे पर्यायासह, असागाव हे सर्वोत्तम ऑफबीट पर्यटन स्थळ म्हणून ओळख निर्माण करत आहे.
कारवार, गोवा (कारवार) – गोवा आणि कर्नाटकची दक्षिण सीमा ओलांडल्यानंतर कारवार हे वैशिष्ट्यपूर्ण संस्कृतीचे केंद्र लागतं. कारवार बीच, रवींद्रनाथ टागोर बीच, काली नदीचे सुंदर किनारे, बोट सफर इ. गोष्टी कारवारच्या नैसर्गिक सौंदर्यात भर घालतात. हे ठिकाण नेहमीच पर्यटकांच्या गर्दीपासून दूर असते.
हेमिस, जम्मू आणि काश्मीर- जम्मू-काश्मीरचा हेमिस नॅशनल पार्क बर्फाच्या ठिकाणी राहणाऱ्या हिम बिबट्यासाठी जगभरात प्रसिद्ध आहे. फक्त येथील घनदाट जंगलातच तुम्हाला हिम बिबटे पाहायला मिळतात. पायाभूत सुविधांचा अभाव आणि वाहने चालवण्यासाठी रस्त्यांची कमतरता यामुळे फार कमी लोक येथे जातात. हिम बिबट्या व्यतिरिक्त तुम्हाला येथे तिबेटी लांडगा, युरेशियन तपकिरी अस्वल आणि लाल कोल्हा दिसतो.
रुशिकुल्या बीच, ओडिशा- ओडिशाच्या चिलिका सरोवरावर बांधलेल्या रुशिकुल्या बीचबद्दल फार कमी लोकांना माहिती आहे. हे ठिकाण ओडिशातील गंजम जिल्ह्यात आहे. पर्यटकांच्या पायाभूत सुविधांच्या कमतरतेमुळे येथे फार कमी लोक येतात आणि जातात. मार्च ते एप्रिल पर्यंत हा बीच लहान कासवांनी भरलेला असतो.

Esakal

LEAVE A REPLY

Please enter your comment!
Please enter your name here