उत्तर प्रदेशातील अयोध्येत बुधवारी भव्य दीपोत्सव कार्यक्रमाचे आयोजन करण्यात आले होते. यावेळी प्रभू श्री रामाची नगरी 12 लाख दिव्यांनी सजवण्यात आली, जो एक वर्ल्ड रिकॉर्ड ठरला आहे. अयोध्या नगरी मावळत्या सूर्याबरोबरच दिव्यांच्या प्रकाशाने उजळून निघली.

अयोध्येत 12 लाख दिवे लावण्यासाठी 36 हजार लिटर मोहरीच्या तेलाचा वापर करण्यात आला.
यामध्ये रामाच्या चरणी 9 लाख आणि उर्वरित अयोध्येत 3 लाख दिवे प्रज्वलित करण्यात आले.
रामजन्मभूमी परिसरात ५१ हजार दिव्यांची रोषणाई करण्यात आली.
यावेळी गिनीज बुक ऑफ वर्ल्ड रेकॉर्डची टीमही दिवे मोजण्यासाठी पोहोचली होती. 32 संघांनी 12 लाख दिवे लावले.
सरयू नदीच्या काठावर दिव्यांची एक लांब साखळी झगमगाटली.
अयोध्येशिवाय देशातील विविध भागात मंदिरे विशेष सजवण्यात आली आहेत.
या विशेष प्रसंगी मोठ्या संख्येने लोक जमले होते.
अयोध्या वधूसारखी सजली दिसून येत आहे.
यावेळी मुख्यमंत्री योगी आदित्यनाथ म्हणाले, ‘अयोध्येतील दीपोत्सवाचा कार्यक्रम दरवर्षी नवीन उंची गाठत आहे. रामाचे भव्य मंदिर उभारल्याने येथे पर्यटनाच्या संधी झपाट्याने वाढणार आहेत.
अयोध्येत आयोजित कार्यक्रमात मुख्यमंत्री योगी आदित्यनाथ यांनी भगवान रामाची भूमिका साकारणाऱ्या कलाकाराचा प्रतिकात्मक राज्याभिषेक केला. मुख्यमंत्री योगी म्हणाले की, सरकारने 5 वर्षांपूर्वी अयोध्येत दीपोत्सव कार्यक्रम सुरू केला आणि तेव्हापासून हा कार्यक्रम सातत्याने नवीन उंची गाठताना दिसत आहे.
उपमुख्यमंत्री दिनेश शर्मा यांनी अयोध्येत प्रभू रामाच्या मिरवणुकीला हिरवा झेंडा दाखवला. दुसरीकडे, भगवान राम आणि माता जानकी हेलिकॉप्टरने कार्यक्रमस्थळी पोहोचले. यावेळी उत्तर प्रदेशचे मुख्यमंत्री योगी आदित्यनाथ यांनी त्यांचे स्वागत केले. राम आणि सीतेची आरती करून भगवंताची पूजा केली.
श्रीराम हे 14 वर्षांचा वनवास संपवून अयोध्येत परतले तेव्हा त्यांच्या स्वागतासाठी दीपोत्सवाचे आयोजन करण्यात आले होते. त्याचप्रमाणे भगवान रामाच्या स्वागतासाठी अयोध्येत त्या दिवशी दीपोत्सव आयोजित करण्यात आला होता.
दिवाळी साजरी करण्यासाठी 500 ड्रोन कॅमेरे बसवण्यात आले आहेत. यादरम्यान पहिल्यांदाच एरियल ड्रोन शो झाला. त्यामुळे त्याची भव्यता आणि आकर्षण अनेक पटींनी वाढली.
प्रत्येक स्वयंसेवकाला दीपोत्सवात सुमारे ७५ दिवे लावण्याचे लक्ष्य देण्यात आले होते. घाटावरील स्वयंसेवकांनी सकाळी 9 वाजल्यापासून त्यांच्या घाटांवर सज्ज राहून कामाला सुरवात केली होती.
अयोध्येतील दीपोत्सवाच्या पाचव्या आवृत्तीत 9 लाख 54 हजार दीपप्रज्वलन करण्याचा विश्वविक्रम नोंदवला गेला. याची घोषणा गिनीज बुक ऑफ वर्ल्ड रेकॉर्डने केली.

Esakal

RELATED ARTICLESMORE FROM AUTHOR

LEAVE A REPLY

Please enter your comment!
Please enter your name here