Maharashtra ST Employee protest : महाराष्ट्रातील जिथे रस्ता तिथे लालपरी अशी ओळख असलेली एसटी गेल्या काही दिवसांपासून आगारत बंद आहे. एसटीचं राज्य शासनात विलगीकरण करण्याच्या मागणीसाठी कर्मचारी आक्रमक झाले आहेत. राज्यातील सुमारे २२५ पैकी २२० आगार बंद असून, त्यात आणखी भर पडत आहे. त्यामुळे बंद चिघळण्याची शक्यता असल्याने आजपासून राज्यातील एसटी सेवा ठप्प होण्याची भीती आहे.
शिवाजीनगर परिसरातही अशीच परिस्थिती पहावयास मिळाली.
बारामती एसटी कर्मचाऱ्यांनी संपात भाग घेतल्याने बारामती व एमआयडीसी अशा दोन्ही आगाराच्या तब्बल १२० बसेसची चाके रोडावली. बारामती आगारातून दररोज सुमारे १२ हजार प्रवाशांची ये जा होत असल्याने अनेकांचे हाल झाले आहेत.
नाशिक मध्ये एसटीच्या संपामुळे प्रवाशांची कुचंबना झाली. विशेषकरून दिवाळीत माहेरी आलेल्या महिलांना मोठ्या प्रमाणात त्रासाला सामोरे जावे लागत आहे.
मनमाडमधील चालक वाहकांनी आज एसटीच्या संपात उडी घेतली. त्यामुळे सकाळपासूनच मनमाड बस स्थानकावर शुकशुकाट बघावयास मिळाला. तर प्रवाशांना खासगी वाहनांचा आधार घ्यावा लागत आहे.
Esakal
