सोजा सोजा रे… हृदय हेल्दी ठेवायचे असेल तर झोपेची ही वेळ साधाच

झोप ही आपल्या शरीरासाठी अत्यंत आवश्यक गोष्ट आहे. झोपेमुळे तुमचा शारिरिक आणि मानसिक तणाव दूर होतो. तसेच हृदय व रक्तवाहिन्यासंबंधी गुंतागुंतांसह विविध आजार होण्याचा धोका कमी होतो. काही लोकांसाठी झोपण्याची वेळ ही ते जेव्हा झोपायला जातात तेव्हा सुरू होते, असे म्हटले जाते. पण एका संशोधनानुसार निरोगी राहायचे असेल तसेच झोपण्यासाठी एक सुनियोजित वेळ असणे गरजेचे आहे. त्यावेळी झोपलात तर तुम्ही अधिक आनंदी आणि निरोगी राहू शकाल.

असा झाला अभ्यास

युकेमध्ये नुकत्याच झालेल्या अभ्यासानुसार रात्री 10 ते 11 च्या दरम्यानची झोप हृदयासाठी अत्यंत सर्वोत्तम आहे. युरोपियन हार्ट जर्नलमध्ये प्रकाशित झालेल्या नवीन संशोधनासाठी युकेमधील 43 ते 79 वयोगटातील 88,000 हून अधिक लोकांचा डेटा गोळा केला. बायोबॅंकेचा अभ्यासात सलग सात दिवस एक्सलेरोमीटर वापरून लोकांच्या झोपण्याच्या आणि जागे होण्याच्या वेळा तपासून निरीक्षण करण्यात आले. याव्यतिरिक्त स्वयंसेवकांनी विविध शारीरिक, लोकसंख्याशास्त्रीय, जीवनशैली आणि आरोग्यविषयक मूल्यमापन केले.

अभ्यासात असे दिसून आले की, जे लोक रात्री 11 नंतर झोपतात त्यांच्यात रात्री 10 ते 11 दरम्यान झोपलेल्या लोकांपेक्षा हृदय व रक्तवाहिन्यासंबंधी रोग होण्याचा धोका जास्त असतो. यामध्ये महिलांचे प्रमाण जास्त होते. कारण त्यांची झोपण्याची वेळ 11 नंतर होती. तसेच त्यांना हृदयविकार होता.

झोप

झोपेची योग्य वेळ साधल्यास निरोगी राहाल

उच्च रक्तदाब, लठ्ठपणा आणि मधुमेह यांसारख्या समस्या पुरेशी झोप न घेतल्याने निर्माण होतात. त्यामुळे अनेक संशोधकांनी दररोज किमान सात ते आठ तासांची झोप घेण्यावर भर दिला आहे.
त्याचप्रमाणे, झोपेची सुरुवात आणि हृदय व रक्तवाहिन्यासंबंधी जोखीम यांच्यातील संभाव्य दुवा सूचित करते. डॉ. डेव्हिड प्लॅन्स, हे या अभ्यासाचे लेखक आणि एक्सेटर विद्यापीठातील ऑर्गनायझेशनल न्यूरोसायन्सचे वरिष्ठ लेक्चरर म्हणतात, “आमच्या अभ्यासातून असे दिसून आले आहे की झोपायला जाण्याची इष्टतम वेळ शरीराच्या 24 तासांच्या चक्राच्या विशिष्ट टप्प्यावर असते. आरोग्यासाठी हानिकारक असलेली झोपेची वेळ ही मध्यरात्री नंतरची होती, कारण यामुळे सकाळ दिसण्याची शक्यता कमी होऊ शकते, मात्र, रात्री 10 वा. रात्री 11 दरम्यानची झोप ही आदर्श झोप आहे.

झोप

8 तास झोप आवश्यकच

सुदृढ हृदयासाठी आणि शरीराच्या निरोगी कार्यासाठी योग्य 8 तासांची अखंड झोप आवश्यक आहे,” ते म्हणतात. शिवाय, चांगली झोप येण्यासाठी अल्कोहोल किंवा पॉप झोपेच्या गोळ्या घेऊ नयेत. जर एखाद्याला निद्रानाश होत असेल किंवा रात्रीच्या वेळी वारंवार उठत असेल किंवा श्वास घेण्यास त्रास होत असेल तर त्वरित वैद्यकीय मदत किंवा सल्ला घेण्याची शिफारस केली जाते.