भाऊबीजेची ओवाळणी करून येताना दोन तरुणांचा अपघाती मृत्यू

लाखनी तालुक्यातील रेंगेपार (कोहळी) येथील राकेश केवळराम देशमुख (२८) आणि महेश जगदीश कामथे (३२) दोघेही रा. रेंगेपार (कोहळी) हे दोघे साकोली तालुक्यातील शिवनीबांध येथे महेशच्या बहिणीच्या घरी शुक्रवारी गेले होते. भाऊबिजेची ओवाळणी करुन रात्री मोटरसायकलने भुगावमार्गे गावी परत येत होते. मात्र ते घरी परतले नाही त्यामुळे घरच्यांनी शोधा शोध केली असता शनिवारी सकाळी हे दोघेही नांहोरि जवळील नाल्यात पडलेले दिसले. रात्रभर दोघेही नाल्यात पडून राहिल्याने मृत्यू झाला असावा असा प्राथमिक अंदाज लावला जात आहे. पुढील तपास लाखनी पोलीस करत आहेत.