द्वारे
सकाळ वृत्तसेवा
नागपूर : आईवडिल झोपी गेल्यानंतर मुलगी प्रियकराला घरी बोलवायला लागली. मध्यरात्रीनंतर अचानक आई लघुशंकेला जात असताना मुलीच्या बेडरूममध्ये डोकावून बघितले. अल्पवयीन मुलगी युवकासोबत ‘नको त्या’ अवस्थेत बेडवर आढळली. त्यामुळे आईने तिच्या प्रियकराची चांगली धुलाई केली आणि पोलिसात तक्रार केली. पोलिसांनी तक्रारीवरून बलात्काराचा गुन्हा दाखल केला. सूरज ब्रह्मानंद लहाने (वय २७, बंगाली पंजा, लेंडी तलाव) असे आरोपी युवकाचे नाव आहे.
पाचपावली परिसरात ३८ वर्षीय महिला परिचारिका आपल्या पती व १७ वर्षीय मुलीसह राहते. ती मुलगी रिया (बदललेले नाव) ही अकराव्या वर्गात शिकते. ऑनलाइन क्लासदरम्यान तिची तीन महिन्यांपूर्वीच आरोपी सूरज लहाणे याच्याशी ओळख झाली. सूरज हा फर्निचरचा कारागीर असून ऑर्डरनुसार घरोघरी काम करतो. त्याने रियाला प्रेमाच्या जाळ्यात अडकविले. त्यामुळे ती सूरजशी चॅटिंग करायला लागली. तीन महिन्यांतच रियाचा त्याच्यावर विश्‍वास बसला आणि तिने त्याला फुटाळ्यावर भेटायला बोलावले. सूरज तेथे गेला आणि रियाची भेट घेत तिला हॉटेलमध्ये नेऊन तिला प्रेमाची मागणी घातली. आरोपी सूरजने तिला शारीरिक संबंधाची मागणी केली. सोमवारी रात्री साडेबारा वाजता रियाने सूरजला कॉल केला. त्यावेळी तिचे आई-वडिल शेजारच्या बेडरूममध्ये झोपले होते. सूरज घरी येताच त्याने मिसकॉल केला आणि रियाने हळूच दार उघडले आणि त्याला आत घेतले.
हेही वाचा: दिसतं तसं नसतं म्हणून जग फसतं… “कॉसमॉस नावाचा निसर्गाचा शत्रू
मध्यरात्री आढळला
सोमवारी रात्री एक वाजता रियाची आई लघुशंकेला झोपेतून उठून बाथरूममध्ये गेली. त्यावेळी तिला मुलीच्या बेडरूममधून आवाज येत असल्याचे लक्षात आले. तिने काळजीपोटी मुलीच्या बेडरूमचा दरवाजा उघडला आणि लाईट लावला. त्यावेळी मुलगी ‘नको त्या’ अवस्थेत एका युवकासोबत दिसून आली. तिने सूरजच्या कानशिलात वाजवली आणि बेदम धुलाई केली. तसेच पाचपावली पोलिस ठाण्यात तक्रार केली. पोलिसांनी गुन्हा दाखल करून सूरजला अटक केली.
Esakal
