सुब्रह्यण्मयम स्वामींचे मोदी सरकारवर ट्विट-अस्त्र

सुब्रह्मण्यम स्वामी यांनी ट्विट अखेरीस यास जबाबदार कोण? असा प्रश्न लिहून थेट पंतप्रधानांवरच नेम साधला आहे. स्वामी यांनी आता मोदी सरकारचे जे प्रगती पुस्तक जारी केले आहे त्यात त्यांनी प्रत्यक्षात सरकारच्या अधोगतीची पाच उदाहरणे दिली आहेत. ती अशी: अर्थव्यवस्था- नापास, सीमा सुरक्षा:नापास, परदेश धोरण:अफगाणिस्तानातील अपयश, राष्ट्रीय सुरक्षा:पेगासस एनएसओ, अंतर्गत सुरक्षा: अंधकारमय कश्मीर.

स्वामी हे गांधी घराण्याचे विशेषतः इंदिरा गांधी व आता सोनिया, राहुल गांधी-प्रियांका वाड्रा यांचे कडवे टीकाकार आहेत. त्यामुळेच भाजपने त्यांना राज्यसभेत आणले. भाजपतर्फे खासदारकी मिळाल्यावर स्वामी काही काळ शांत राहिले. नोटाबंदीपासून त्यांनी स्वपक्षाच्या निर्णयावर तोंडसुख घेण्यास सुरवात केली. त्यामुळे स्वामी यांना पक्षाने हळूहळू बाजूला सारले.