द्वारे
सकाळ वृत्तसेवा
पुणे (कात्रज) : कौटुंबिक कलहातून राहत्या घरात ओढणीने आत्महत्येचा प्रयत्न करणाऱ्या तरुणाचे प्राण वाचविण्यात पोलिसांना यश आले. ही घटना गुरुवारी रात्री भारती विद्यापीठ पोलिस ठाण्याच्या हद्दीत घडली असून पोलिसांना तरुणाचे मत परिवर्तन केले आहे. घटनेची माहिती मिळताच पोलिसांनी घटनास्थळी धाव घेत तरुणाचे प्राण वाचवले.
बीट मार्शल ब्रह्मानंद केंद्रे व नानासाहेब खाडे हे गुरुवारी रात्री हद्दीत गस्त घालत होते. त्यावेळी केंद्रे यांना बिनतारी संदेश यंत्रणेवर एक तरुण आत्महत्या करत असल्याचा संदेश मिळाला. घटनेची माहिती मिळताच केंद्रे आणि खाडे यांनी घटनास्थळी धाव घेतली.
यावेळी आपल्याच घरात एक तरुण खुर्चीवर उभे राहून ओढणीच्या सहाय्याने गळफास घेत होता. केंद्रे यांनी तात्काळ तरुणाला खाली घेऊन त्याला समजावले. त्यामुळे त्याचे प्राण वाचले.
Esakal
