ख्रिसमससाठी पुणे-करमळी विशेष रेल्वे | Special Train

पुणे – ख्रिसमस तसेच नववर्षाच्या निमित्ताने मध्य रेल्वेतर्फे प्रवाशांसाठी पुणे स्थानकापासून गोव्यातील पणजीजवळील करमळी स्थानकापर्यंत विशेष रेल्वे सोडण्याचा निर्णय जाहीर केला आहे. १७ डिसेंबर २०२१ पासून सुरू होणारी ही रेल्वे ९ जानेवारी २०२२ पर्यंत कार्यरत असेल.

या कालावधीत पुणे-करमळी गाडी क्रमांक ०१२९१ दर शुक्रवारी पुणे स्थानकातून सायंकाळी ५ वाजून ३० मिनिटांनी रवाना होईल, आणि दुसऱ्या दिवशी सकाळी ६ वाजता करमळी येथे पोहचेल. तर करमळी-पुणे गाडी क्रमांक ०१२९२ दर रविवारी करमळी स्थानकातून सकाळी ९ वाजून २० मिनिटांनी रवाना होईल, आणि रात्री ११ वाजून ५० मिनिटांनी पुणे येथे पोहचेल.