drishyam model murder, पत्नीच्या प्रियकराची दृश्यम स्टाईल हत्या; निर्घृणपणे संपवून पुरलं, पण एका चुकीमुळे सापडला – shepherd takes life of youth and buries body took idea from movie drishyam

दृश्यम चित्रपट पाहून एका तरुणाची हत्या करण्यात आली. त्याचा मृतदेह जमिनीत पुरण्यात आला. गौतम गोहेल गुजरातच्या तारघडीमध्ये वास्तव्यास होता. तो मजुरी करायचा. त्याच्याच गावात असलेल्या मेंढपाळाच्या पत्नीसोबत त्याचं सूत जुळलं. दोघे पळून गेले. मात्र नंतर दोघे परतले. याबद्दल मेंढपाळाला समजलं. त्यानं गौतमला संपवण्यासाठी कट रचला.
श्रद्धासारखंच आणखी एक प्रकरण; वडिलांना संपवले, तुकडे फ्रिजमध्ये ठेवले, माय लेकाला अटक
मेंढपाळ आणि अन्य काही जणांनी गौतमला गवरिदल गावात भेटण्यासाठी बोलावलं. त्यानंतर त्याची निर्घृणपणे हत्या केली. यानंतर त्याचा मृतदेह आपल्याच अंगणात पुरला. पोलिसांनी कॉल तपशील तपासून त्याच्या आधारे केवळ १४ दिवसांत प्रकरणाचा छडा लावला. पोलिसांनी तरुणाला फोन करणारी तरुणी आणि दोन्ही मारेकऱ्यांना अटक करून चौकशी केली.
गळ्यात घुसलं १५० वर्षे जुनं त्रिशूळ; ६५ किमी अंतर कापून त्यानं रुग्णालय गाठलं अन् मग…
पोलीस आरोपीला मृतदेह पुरलेल्या ठिकाणी घेऊन गेले. पोलिसांनी मृतदेह ताब्यात घेतला. यानंतर हत्येचा गुन्हा दाखल करून तपास सुरू केला. मृत तरुण गौतमचे वडील जयंतीभाई गोहेल यांनी या प्रकरणात शैलेश उर्फ कालो लक्ष्मण जपदा, त्याचा भाऊ सागर लक्ष्मण जपदाविरोधात पोलीस तक्रार दाखल केली होती. मुलगा गौतम १४ नोव्हेंबरला रहस्यमय परिस्थितीत बेपत्ता झाल्याचं जयंतीभाई यांनी तक्रारीत म्हटलं होतं. यानंतर पीएसआय एम. एच. यादव यांच्या नेतृत्त्वाखाली पोलिसांनी तपास सुरू केला होता.