बाजार घसरणीसह उघडला व सुरुवातीच्या व्यापारात सावरला. सेन्सेक्सने २०० अंकांनी उसळी घेत ६२,६०० च्या पातळीवर पोहोचला. तसेच निफ्टीही ३५ अंकांनी वाढून १८,६०० च्या जवळ पोहोचला आहे. तसेच बँक निफ्टी देखील ४३,१०० च्या वर व्यवहार करत आहे. सध्या टायटन, आयसीआयसीआय बँक, हिंदुस्थान युनिलिव्हर आणि डॉ रेड्डी यांसारख्या समभागांमध्ये वाढ होत आहे. मारुती, इंडसइंड बँक आणि बजाज फायनान्शिअल सर्व्हिसेस या समभागांमध्ये घसरण झाली.
छप्परफाड परतावा! झुनझुनवाला कुटुंबाची भागीदारी असलेल्या शेअरने केलं मालामाल
सेन्सेक्स आणि निफ्टी ट्रेडिंग
सेन्सेक्समधील ३० समभागांपैकी २१ शेअर्स वधारले असून ९ शेअर्समध्ये घसरण होत आहे. याशिवाय निफ्टीमधील ५० पैकी ३३ समभागात उसळी दिसून येत आहेत आणि १६ समभागांवर लाल चिन्ह आहे. तर एक शेअर कोणत्याही बदलसह व्यवहार करत आहे.
निफ्टीने पुन्हा नवीन शिखर गाठले
आज, व्यवहाराच्या सुरुवातीला निफ्टी निर्देशांकात घसरण नोंदवण्यात आली पण बाजार उघडल्यानंतर १५ मिनिटांतच निर्देशांक पुन्हा नवीन सर्वकालीन उच्चांकावर पोहोचला. निफ्टी १८,६२५ वर आहे, जो त्याचा नवीन विक्रमी उच्चांक आहे. निफ्टी ६२.३५ अंकांच्या किंवा ०.३४ टक्क्यांच्या वाढीसह १८,६२५ वर व्यवहार करत आहे.
बाजाराची ऐतिहासिक उडी
याउलट, सोमवारी देशांतर्गत शेअर बाजारांनी सलग पाचव्या सत्रात तेजी नोंदवली. आठवड्याच्या पहिल्या व्यवहाराच्या दिवशी म्हणजेच सोमवारी शेअर बाजाराने नवा विक्रम रचला. सेन्सेक्सपाठोपाठ निफ्टीनेही सर्वकालीन उच्चांक गाठला.
अदानींच्या कंपनीत कमाईची बंपर संधी! तीन वर्षात शेअर्स हजार पटींनी वर चढले, गुंतवणूकदरांची भरभराट होणार
व्यवहारादरम्यान निफ्टीने १८,६१४.२५ चा स्तर गाठला आणि नंतर आणखी ५० अंकांनी किंवा ०.२७ टक्क्यांनी वाढून १८,५६२.७५ अंकांच्या विक्रमी पातळीवर बंद झाला. त्याचवेळी सेन्सेक्सने देखील आपला मागील रेकॉर्ड मोडला आणि पुन्हा एकदा सार्वकालिक उच्चांक गाठला. दिवसभरात सेन्सेक्सने ६२,७०१ चा नवा उच्चांक गाठला.
गुंतवणूकदारांना बंपर प्रॉफिट होतोय, PNB चे शेअर्स तुफान तेजीत, ब्रोकरेजने गुंतवणुकीवर दिला महत्त्वाचा अपडेट
जागतिक बाजाराची स्थिती
दुसरकडे, जागतिक बाजाराबद्दल बोलायचे तर डाऊ जोन्स ४९७ अंकांनी म्हणजेच १.४५ टक्क्यांनी घसरला. S&P 500 ने १.५४ टक्क्यांची घसरण नोंदवली आणि नॅसडॅक १७६ अंकांनी म्हणजेच १.५८ टक्क्यांनी घसरून बंद झाला. डाऊ जोन्सच्या घसरणीची दोन मुख्य कारणे आहेत- पहिले म्हणजे अमेरिकन फेडरल रिझर्व्हचे अध्यक्ष जिम बुलार्ड यांनी सांगितले की, व्याजदराबाबतची भूमिका कठोर राहील. याशिवाय चीनमध्ये करोना लॉकडाऊनविरोधातील आंदोलन तीव्र झाले आहे. तेथील जनता सरकारच्या विरोधात रस्त्यावर उतरली आहे आणि आक्रमक होत आहे. त्यामुळे जागतिक मंदीचा आवाज जोर धरू लागला आहे.
