आज आम्ही तुम्हाला लाइफ सर्टिफिकेट ऑनलाइन सबमिट करण्याची प्रक्रिया सांगणार आहोत, तुम्हाला सर्वात सोपी वाटणारी पद्धत तुम्ही निवडू शकता. डिजिटल लाइफ सर्टिफिकेट ही बायोमेट्रिक सपोर्ट असलेली डिजिटल सेवा आहे. सर्वच पेन्शनधारक याचा लाभ घेऊ शकतात. निवृत्तीवेतनधारक आधार-सक्षम बायोमेट्रिक प्रमाणीकरण पद्धत वापरून DLC तयार करू शकतात.
आनंदाची बातमी! PF खात्यात जमा होतेय व्याजाची रक्कम, तुम्हाला किती व्याज मिळणार? आत्ताच चेक करा
जीवन प्रमाण पोर्टल
निवृत्तीवेतनधारक जीवन प्रमाण पोर्टलद्वारे त्यांचे जीवन प्रमाणपत्र ऑनलाइन जमा करू शकतात. या प्रक्रियेअंतर्गत पेन्शनधारकांना पहिले पोर्टलवरून जीवन प्रमाण ॲप डाउनलोड करावे लागेल. पेन्शनधारकाला त्याच्या बोटांचे ठसे देखील सादर करावे लागतील. OTG केबल वापरून फिंगरप्रिंट उपकरण मोबाईल फोनशी जोडले जाऊ शकते.
इंडिया पोस्ट पेमेंट्स बँक
नोव्हेंबर २०२० मध्ये, पेन्शन आणि पेन्शनर्स कल्याण विभागाने ‘पोस्टमनद्वारे डिजिटल जीवन प्रमाणपत्र सादर करण्यासाठी डोअरस्टेप सर्व्हिस’ हा उपक्रम सुरू केला. हे पोस्ट विभाग आणि MeitY च्या इंडिया पोस्ट पेमेंट्स बँकेने विकसित केले. पेन्शनधारकांनी गूगल प्ले स्टोअरवरून ‘Postinfo APP’ डाउनलोड करावे. त्यानंतर https://youtu.be/eERwM U7g54 या लिंकला भेट देऊन तुम्ही डिजिटल जीवन प्रमाणपत्र जमा करण्याची प्रक्रिया पाहू शकता.
तुमच्या PF खात्यात व्याज जमा झाले का, कसे तपासणार? जाणून घ्या काय आहे प्रक्रिया
डोअरस्टेप बँकिंग
डोरस्टेप बँकिंग देखील अलायन्सद्वारे दिली जाते, ज्यामध्ये सर्व १२ सार्वजनिक क्षेत्रातील बँकांचा समावेश आहे. देशभरातील १०० प्रमुख शहरांमध्ये ग्राहकांना “डोअरस्टेप बँकिंग” ही सेवा प्रदान देण्यात येत आहे. PSB अलायन्स लाइफ सर्टिफिकेट मिळवण्याची सेवा पुरवते. तसेच सेवा प्रदान करण्यासाठी एक DSB एजंट पेन्शनधारकाच्या दारी येतील. पेन्शनधारक ही सेवा मोबाइल ॲप, वेबसाइट किंवा टोल-फ्री नंबरद्वारे देखील वापरू शकतात. यासाठी तुम्हाला डोअरस्टेप बँकिंग (DSii) ॲप डाउनलोड करावे लागेल. निवृत्तीवेतनधारक https://doorstepbanks.com/&https://dsb.imfast.colin/doorstep/lfigin या लिंकद्वारे देखील ही सेवा वापरू शकतात. याशिवाय १८.००.१.२१३७२१, १८००.१.०३७१.८८ हे टोल फ्री क्रमांकही उपयोगात आहेत.
पेन्शनधारकांनो, चेहरा स्कॅन करून जीवन प्रमाणपत्र कसे सबमिट कराल, वाचा संपूर्ण प्रकिया
चेहरा प्रमाणीकरण
निवृत्तीवेतनधारक UIDAI आधार सॉफ्टवेअरवर आधारित फेस ऑथेंटिकेशन (चेहरा प्रमाणीकरण) टेक्नॉलॉजी वापरून जीवन प्रमाणपत्र जमा करू शकतात. यामध्ये, कोणत्याही अँड्रॉइड स्मार्टफोनवरून पेन्शनधारकाचा थेट फोटो घेऊन आणि जीवन सन्मान मोबाइल ॲप्लिकेशनवर ऑनलाइन अपलोड करून डिजिटल जीवन प्रमाणपत्र तयार केले जाऊ शकते.
पोस्टमन
इलेक्ट्रॉनिक्स आणि माहिती तंत्रज्ञान मंत्रालयाच्या (Meity) सहकार्याने पोस्ट विभागाने नोव्हेंबर २०२० मध्ये पोस्टमनद्वारे डिजिटल जीवन प्रमाणपत्र सादर करण्यासाठी घरोघरी सेवा सुरू केली. या सुविधेचा वापर करून जीवन प्रमाणपत्र सादर करण्यासाठी निवृत्तीवेतनधारकाला पोस्टइन्फो ॲप डाउनलोड करणे आवश्यक आहे.
