रेखा झुनझुनवालांचा स्टॉक संथ पण गती कायम ठेवण्यात यशस्वी राहिला आहे. गेल्या ६ महिन्यांत कंपनीच्या शेअर्समध्ये ३० टक्क्यांपर्यंत वाढ झाली असून सोमवारी शेअर बाजारातील कंपनीच्या समभागांनी गेल्या वर्षभरातील विक्रम मोडीत काढत नवीन उंची गाठली. एनएसईवर कंपनीच्या समभागांनी ५२ आठवड्यांच्या उच्चांकी ८४ रुपये प्रति शेअर गाठले. तर सोमवारी सुरुवातीच्या व्यवहारात एनसीसीचे शेअर्स ३ टक्क्यांनी वधारले.
शेअर बाजारात विक्रमी तेजी, गुंतवणूकदारांनी काय करावं; गुंतवणुकीचे तुमच्याकडे कोणते पर्याय?
कंपनीची स्थिती चांगली असल्याचे तज्ज्ञांचे मत आहे. पुढील अर्थसंकल्पात सरकार पायाभूत सुविधांवर भर देऊ शकते, याचा परिणाम बाजारात कंपनीच्या शेअर्सवरही दिसून येत आहे. तज्ञांच्या अंदाजानुसार, ज्या गुंतवणूकदाराकडे या कंपनीचा स्टॉक आहे, तो रु. ७५ चा स्टॉप लॉस आणि रु. ११० ची प्री-बजेट टार्गेट प्राईस लक्षात घेऊन, आपल्याकडे कायम ठेवू शकतो.
गुंतवणूकदारांना बंपर प्रॉफिट होतोय, PNB चे शेअर्स तुफान तेजीत, ब्रोकरेजने गुंतवणुकीवर दिला महत्त्वाचा अपडेट
IIFL सिक्युरिटीजचे उपाध्यक्ष अनुज गुप्ता यांनी सांगितले की, “NCC चे शेअर्स आज एक वर्षाच्या उच्चांकावर आहेत. जर कंपनीचे शेअर्स रु. ८८ च्या जवळ गेले, तर नागार्जुन कन्स्ट्रक्शन लिमिटेडचा शेअर रु. ९८ च्या पातळीवर जाऊ शकतो. तसेच अर्थसंकल्पापूर्वी कंपनीच्या शेअर्सच्या किमतीत वाढ अपेक्षित आहे. २०२३ च्या केंद्रीय अर्थसंकल्पापूर्वी कंपनीचा शेअर ११० रुपयांपर्यंत जाण्याची ब्रेकरेजला अपेक्षित आहे.
छप्परफाड परतावा! झुनझुनवाला कुटुंबाची भागीदारी असलेल्या शेअरने केलं मालामाल
रेखा झुनझुनवालांची हिस्सेदारी
जुलै ते सप्टेंबर २०२२ च्या शेअर होल्डिंग पॅटर्ननुसार रेखा झुनझुनवाला यांच्याकडे नागार्जुन कन्स्ट्रक्शन लिमिटेडचे ७,९३,३३,२६६ शेअर्स आहेत. म्हणजेच रेखा झुनझुनवाला यांची कंपनीत १२.६४ टक्के हिस्सेदारी आहे. कोविड-१९ साथीच्या रोगाचा प्रसार झाल्यानंतर शेअर बाजारात कंपनीच्या समभागाला मोठा फटका बसला होता, पण आघाडीचे गुंतवणूकदार राकेश झुनझुनवाला आणि त्यांची पत्नी रेखा झुनझुनवाला यांनी स्टॉकच्या कामगिरीवर विश्वास कायम ठेवला.
(नोट: येथे केवळ स्टॉकच्या कामगिरीबद्दल माहिती दिली गेली आहे, हा गुंतवणुकीचा सल्ला नाही. शेअर बाजारात गुंतवणूक करण्यापूर्वी तुमच्या सल्लागाराचा सल्ला घ्यावा.)
