मुंबई: अमेरिकन आणि आशियाई बाजारातील घसरणीच्या उलट, बुधवारी भारतीय शेअर बाजारात तेजी कायम राहिली आहे. बीएसई सेन्सेक्स सकाळी ९:१६ वाजता १२२.८९ अंक म्हणजेच ०.२० टक्क्यांच्या वाढीसह ६२,८०४.७३ अंकांवर व्यवहार करत होता. त्याचप्रमाणे, राष्ट्रीय निर्देशकांचा एनएसई निफ्टीने ४०.८० अंकांच्या किंवा ०.२२ टक्क्यांनी वाढून १८,६५८.८५ अंकांच्या पातळीवर व्यवहार सुरु केला. बजाज ऑटो निफ्टीवर सर्वाधिक १.१४ टक्क्यांच्या वाढीसह व्यवहार करत होता. त्याचप्रमाणे हिंदाल्को, महिंद्रा अँड महिंद्रा, अदानी एंटरप्रायझेस आणि टाटा मोटर्स यांचे समभाग एक टक्क्यानी वाढले.

कोणते शेअर्स घसरले
निफ्टीच्या सुरुवातीच्या व्यवहारात, इन्फोसिसच्या शेअर्समध्ये सर्वात मोठी ०.६४ टक्क्यांची घसरण झाली. याशिवाय बीपीसीएल, एचसीएल टेक, पॉवरग्रीड आणि टेक महिंद्रा यांचे शेअर्सही लाल चिन्हासह बंद झाले.

शेअर बाजारात विक्रमी तेजी, गुंतवणूकदारांनी काय करावं; गुंतवणुकीचे तुमच्याकडे कोणते पर्याय?
आशियाई शेअर बाजारात घसरण
चीनमधील कोविड-१९शी संबंधित धोरणांमुळे आणि बुधवारी फेड रिझर्व्हचे अध्यक्ष जेरोम पॉवेल यांच्या भाषणाबाबत सावध पवित्रा घेतल्याने मंगळवारी अमेरिकन बाजारातील ब्रेकनंतर आशियाई शेअर बाजारांमध्येही घसरणीचा कल दिसून आला. याशिवाय जपान, दक्षिण कोरिया आणि ऑस्ट्रेलियातील शेअर बाजारात घसरण पाहायला मिळाली तर दुसरीकडे हाँगकाँगच्या वायदे बाजारातही घसरण दिसली.

SGX निफ्टीची नकारात्मक सुरुवात
सिंगापूर एक्स्चेंजवर निफ्टी फ्युचर्स १५ अंकांनी घसरला. परिणामी भारतीय शेअर बाजाराची सुरुवात नकारात्मक होण्यास संकेत मिळाले.

झुनझुनवालांच्या स्टॉकची आश्चर्यकारक कामगिरी, शेअर्स ५२ आठवड्यांच्या उच्चांकी पातळीवर, काय आहे कारण?
तेलाच्या किमती वाढल्या
अमेरिकेतील क्रूड इन्व्हेंटरीमध्ये घट झाल्यामुळे बुधवारी सुरुवातीच्या व्यापारात तेलाच्या किमतीत उसळी पाहायला मिळाली. पण OPEC+ त्याच्या आगामी बैठकीत उत्पादन धोरणात कोणतेही बदल करणार नाही, ज्यामुळे तेलाच्या किमतींमध्ये वाढ मर्यादित होते, अशी चिंता कायम राहिली.

अदानींच्या कंपनीत कमाईची बंपर संधी! तीन वर्षात शेअर्स हजार पटींनी वर चढले, गुंतवणूकदरांची भरभराट होणार
मंगळवारही तेजीची स्थिती
दरम्यान, देशांतर्गत शेअर बाजारातील तेजी मंगळवारी सलग सहाव्या व्यवहारी दिवशीही कायम राहिली. सेन्सेक्स आणि निफ्टीने पुन्हा सर्वकालीन उच्चांक गाठला. इतर आशियाई बाजारातील मजबूत कल आणि परकीय भांडवलाचा ओघ चालू राहिल्याने बाजार तेजीत राहिले. सेन्सेक्स १७७.०४ अंकांनी म्हणजेच ०.२८ टक्क्यांनी वाढून ६२,६८१.८४ अंकांवर बंद झाला. तर व्यापारादरम्यान एका वेळी निर्देशांक ३८२.६ अंकांवर चढला. तसेच निफ्टीही ५५.३० अंकांच्या म्हणजेच ०.३० टक्क्यांच्या वाढीसह १८,६१८.०५ या त्याच्या सार्वकालिक उच्चांकावर बंद झाला.

गुंतवणूकदारांचा विश्वास
विदेशी संस्थागत गुंतवणूकदारांनी नोव्हेंबरमध्ये आतापर्यंत ३२,३४४ कोटी रुपयांची गुंतवणूक केली असून ते निव्वळ खरेदीदार राहिले आहेत. आकडेवारीनुसार, FII ने सोमवारी ९३५.८८ कोटी किमतीचे शेअर्स खरेदी केले.

LEAVE A REPLY

Please enter your comment!
Please enter your name here