रत्नागिरी: पुण्यातील डेक्कन पोलीस ठाण्याच्या हद्दीत ५ जणांना अटक करण्यात आली आहे. पैकी तिघे रत्नागिरीतील दापोलीचे असून दोघे पुण्याचेच आहेत. पोलिसांनी पाच जणांकडून पाच कोटींहून अधिकचा मुद्देमाल जप्त केला आहे. या प्रकरणात पुढील तपास सुरू आहे.

डेक्कन पोलीस ठाण्याच्या हद्दीत ५ जणांना बेड्या ठोकण्यात आल्या. त्यांच्याकडून व्हेल माशीची उलटी जप्त करण्यात आली. तिची किंमत ५ कोटींपेक्षा अधिक आहे. व्हेल माशाच्या उलटीची तस्करी होणार असल्याची माहिती पोलिसांना मिळाली होती. या माहितीच्या आधारे पोलिसांनी राजेंद्र राकेश कोरडे (वय २८, आंजर्ले ता.दापोली), नवाज अब्दुला कुरुपकर (वय २४), अजिम महमुद काजी (वय ५०, दोघेही राहणार अडखळ जुईकर मोहल्ला) यांना अटक केली. या तिघांसोबतच विजय विठ्ठल ठाणगे (वय ५६), अक्षय विजय ठाणगे (वय २६) या दोघांच्या मुसक्या पोलिसांनी आवळल्या. हे दोघे पुण्याचे रहिवासी आहेत.
झालं गेलं विसरू! पतीचा पत्नीला शब्द, पण मंदिरात जाताना अप’घात’ झाला; मामला २ कोटींचा निघाला
आरोपी राजेंद्र राकेश कोरडे यांच्या ताब्यात असेलेल्या काळया रंगाच्या बॅगेमध्ये व्हेल माशाच्या उलटीचा तुकडा सापडला. त्याचं वजन २ किलो ९९४ ग्रॅम इतकं असून बाजारभावानुसार त्याची किंमत २ कोटी ९९ लाख ४० हजार रुपये इतकी आहे. तर दुसरा आरोपी नवाज अब्दुला कुरुपकर याच्याकडे असलेल्या मेहंदी रंगाच्या बॅगेमध्ये आढळलेल्या व्हेल माशाच्या उलटीच्या तुकड्याचं वजन २ किलो २८६ ग्रॅम इतकं असून त्याची किंमत २ कोटी २८ लाख ६० हजार एवढी आहे.

तिसरा आरोपी विजय विठ्ठल ठाणगेकडे असलेली काळ्या रंगाची हिरो होंडा स्पेन्डरदेखील गुन्ह्यात वापरण्यात आली. तिची किंमत ३५ हजारांच्या घरात आहे. व्हेल माशाच्या उलटीचे दोन तुकडे आणि दुचाकी असा ऐवज पोलिसांनी जप्त केला आहे. जप्त करण्यात आलेल्या साहित्याची एकूण किंमत ५ कोटी २८ लाख ३५ हजार रुपये आहे.
आफताब इतका थंड कसा? अखेर उत्तर मिळालं; डेप-हर्ड घटस्फोटापासून जुन्या केसेसपर्यंत कनेक्शन
याप्रकरणी पुणे येथील डेक्कन पोलिस ठाण्यात राकेश कोरडे, नवाज कुरुपकर, अजीम काजी, विजय ठाणगे, अक्षय ठाणगे (पुणे) या पाच संशयितांविरोधात गुन्हा दाखल करण्यात आला असून पाचही जणांना अटक केली गेली आहे. त्यांच्यावर वन्यजीव संरक्षण अधिनियम १९७२ चे कलम ३९, ४४, ४९ (ब), ५१, ५७ अन्वये गुन्हा दाखल करण्यात आला आहे. अधिक तपास सहायक पोलिस निरीक्षक कल्याणी पाडोळे करत आहेत.

LEAVE A REPLY

Please enter your comment!
Please enter your name here