south korean youtuber sexually harassed, जबरदस्तीनं हात धरला, किस करण्याचा प्रयत्न; मुंबईत भररस्त्यात कोरियन यूट्यूबरचा विनयभंग – south korean youtuber harassed in mumbai while livestreaming 2 arrested

कोरियन महिला यूट्यूबरसोबत छेडछाडीची घटना २९ नोव्हेंबरच्या संध्याकाळी घडली. घटनेच्या वेळी तरुणी खार परिसरात लाईव्ह स्ट्रिमिंग करत होती. व्हिडीओमध्ये एक तरुण दक्षिण कोरियन तरुणीच्या अतिशय जवळ जाण्याचा प्रयत्न करताना दिसत आहे. तरुणी त्याला विरोध करते. मात्र तरीही तो तिचा हात खेचतो. तरुणीला वारंवार त्याच्या स्कूटरवर बसण्यास सांगतो. तो तिच्या अतिशय जवळ जाऊन चुंबन घेण्याचा प्रयत्न करतो. यानंतर तरुणी तिथून निघून जाऊ लागते.

अंगचटीला येणाऱ्या तरुणाला विरोध करत तरुणी तिथून निघते. आता मला घरी जावं लागेल, असं म्हणत तरुणी भरभर पावलं टाकू लागते. कोरियन तरुणी निघून जात असताना दोन आरोपी तरुण स्कूटरवरून तिचा पाठलाग करतात. आमच्यासोबत चल असं म्हणतात. यादरम्यान तिच्याशी जबरदस्तीदेखील करतात. तरुणी कशीबशी या परिस्थितीतून स्वत:ची सुटका करते. व्हिडीओ सोशल मीडियावर व्हायरल झाल्यानंतर पोलिसांनी घटनेची दखल घेतली. यानंतर दोन्ही आरोपींच्या मुसक्या आवळण्यात आल्या.