अहमदनगर : सत्यशोधक दीनमित्रकार मुकुंदराव पाटील स्मारक समितीच्या वतीने देण्यात येणारे या वर्षीचे दीनमित्रकार मुकुंदराव पाटील राज्यस्तरीय पत्रकारिता व साहित्य पुरस्कार जाहीर करण्यात आले आहेत. ‘महाराष्ट्र टाइम्स ऑनलाइन’चे संपादक अभिजीत कांबळे यांना पत्रकारिता पुरस्कार जाहीर झाला आहे, अशी माहिती स्मारक समितीचे अध्यक्ष माजी आमदार पांडुरंग अभंग यांनी दिली.

नेवासा तालुक्यातील तरवडी येथील दीनमित्रकार मुकुंदराव पाटील स्मारक समितीच्या वतीने सत्यशोधक विचारांशी बांधिलकी असणाऱ्या पत्रकारास व साहित्यास दीनमित्रकार मुकुंदराव पाटील स्मारक समितीच्या वतीने १९९५ पासून दरवर्षी पुरस्कार दिले जातात. शनिवारी या वर्षीच्या पुरस्कारांची घोषणा अध्यक्ष माजी आमदार पांडुरंग अभंग व सचिव उत्तमराव पाटील यांनी केली.

मग शरद पवारांच्या लेखी शिवाजी महाराजांच्या विचारांना काहीच अर्थ नाही का; राज ठाकरेंचा सवाल
त्यानुसार दीनमित्रकार सत्यशोधक मुकुंदराव पाटील पत्रकारिता पुरस्कार जेष्ठ पत्रकार व म.टा. ऑनलाइनचे संपादक अभिजीत कांबळे (मुंबई) यांना जाहीर झाला आहे. तर साहित्य पुरस्कार दयाराम पाडलोस्कर, गोवा (बवाळ-कथा), प्रा. शिवाजीराव बागल, सोलापूर (ज्ञानमंदिरातील नंदादीप-कादंबरी), डॉ. नारायणा भोसले, मुंबई (देशोधडी -आत्मचरित्र), श्रीमती. सारिका उबाळे, अमरावती (कथार्सिस-काव्य), भारत सातपुते, लातूर (आम्ही फुले बोलतोय-बालकाव्य), प्रा. वसंत गिरी, बुलढाणा (तरुणांचे आयडॉल सुभाषचंद्र बोस-चरित्र), डॉ. प्रतिभा सुरेश जाधव, नाशिक (अस्वस्थतेची डायरी-वैचारिक लेखन), डॉ. तुकाराम रोंगटे, पुणे (आदिवासींचेही डॉ. बाबासाहेब आंबेडकर-समिक्षा), राकेश सांळुके, सातारा (दख्खण समृद्ध प्रवास-प्रवासवर्णन), योगेश प्रकाश बिडवई, मुंबई (कांद्याची रडकथा शिवार ते बाजार-संशोधन), डॉ. शिवलिंग मेनकुदळे,पुणे (प्रबोधनाचा वसा आणि वारसा-व्यक्तिवेध) यांना जाहीर करण्यात आले आहेत.

या पुरस्कारांचे वितरण रविवारी १८ डिसेंबरला तरवडी येथे महाराष्ट्र राज्य मराठी विश्वकोश निर्मिती मंडळाचे अध्यक्ष डॉ. राजा दीक्षीत यांच्या हस्ते होणार आहे, अशी माहिती उपाध्यक्ष बाबा आरगडे यांनी दिली.

पणजोबांनी रुजवले आणि नातवाने सजवले… अशी झाली किर्लोस्करांच्या हजारो कोटींच्या बिझनेसची सुरुवात

26 COMMENTS

LEAVE A REPLY

Please enter your comment!
Please enter your name here