Authored by सचिन जाधव | Edited by रोहित धामणस्कर | महाराष्ट्र टाइम्स.कॉम | Updated: 1 Dec 2022, 6:12 pm

Udyanraje Bhosale slams Bhagat Singh Koshyari | भाजपमधील मराठा नेत्याने ही भूमिका मांडल्यामुळे खासदार उदयनराजे भोसले यांच्यासाठी ही मोठी चपराक असल्याचे मानले जात आहे. नरेंद्र पाटील हे देवेंद्र फडणवीस यांच्या खास मर्जीतील मानले जातात. त्यामुळे नरेंद्र पाटील यांच्या माध्यमातून भाजपचे वरिष्ठ नेते त्यांची भूमिका मांडू पाहत आहेत का, अशी चर्चा राजकीय वर्तुळात रंगली आहे.

 

Udayanraje Bhosale in Satara
खासदार उदयनराजे भोसले

हायलाइट्स:

  • भाजप नेत्याच्या वक्तव्याने उदयनराजेंना चपराक
  • उदयनराजेंचा निर्वाणीचा इशारा
सातारा: अण्णासाहेब पाटील आर्थिक मागास विकास मंडळाचे अध्यक्ष नरेंद्र पाटील यांनी आज साताऱ्यात घेतलेल्या पत्रकार परिषदेत राज्याचे पर्यटनमंत्री मंगलप्रभात लोढा यांच्या वक्तव्याचे समर्थन केले. गेल्या अनेक वर्षांपासून शरद पवारांना ‘जाणता राजा’ म्हटले जाते. मग एखाद्या राज्यकर्त्याची तुलना छत्रपती शिवाजी महाराजांच्या कार्याशी केली तर त्यामध्ये काही गैर नाही, असे वक्तव्य नरेंद्र पाटील यांनी केले आहे. त्यांच्या या वक्तव्यामुळे आता नवा वाद निर्माण होण्याची शक्यता आहे. ते गुरुवारी साताऱ्यात प्रसारमाध्यमांशी बोलत होते.

छत्रपती शिवरायांचे अष्टपैलू नेतृत्व आहे. त्यांची शेतकऱ्यांच्या बद्दलचू भूमिका, गडकिल्ल्यांच्या बद्दल भूमिका , हिंदुत्व वाचवण्याची भूमिका, यावर त्यांनी केलेले कार्यामध्ये एखाद्या प्रतिनिधींनी किंवा नेत्यांचे कार्य चांगलं असेल तर त्याची तुलना करणे गैर नाही. शरद पवार यांना देखील जाणता राजा म्हणून संबोधले जाते. त्यांनी देखील शेतकऱ्यांसाठी मोठे काम केले आहे. त्यामुळे छत्रपतींचे कार्य आणि या राज्यामध्ये राज्यकर्त्यांनी केलेले कार्य याच्यामध्ये वेगवेगळ्या प्रकारची तुलना होत राहते. यामध्ये काही गैर नाही, असे बोलून नरेंद्र पाटील यांनी नवीन वादाला तोंड फोडले आहे.
मला प्रतापगडावरून मुख्यमंत्र्यांनी फोन केलाच नव्हता, उदयनराजेंनी स्पष्टच सांगितलं
भाजपमधील मराठा नेत्याने ही भूमिका मांडल्यामुळे खासदार उदयनराजे भोसले यांच्यासाठी ही मोठी चपराक असल्याचे मानले जात आहे. नरेंद्र पाटील हे देवेंद्र फडणवीस यांच्या खास मर्जीतील मानले जातात. त्यामुळे नरेंद्र पाटील यांच्या माध्यमातून भाजपचे वरिष्ठ नेते त्यांची भूमिका मांडू पाहत आहेत का, अशी चर्चा राजकीय वर्तुळात रंगली आहे. नरेंद्र पाटील यांना पुढे करुन भाजपकडून आक्रमक झालेल्या उदयनराजे भोसले यांना खिंडीत गाठण्याचा प्रयत्न सुरु झाल्याची चर्चा साताऱ्यात सुरु झाली आहे.
राज्यपालांसारखं उद्या कोणीही उठून बोलेल; राजकीय पक्षांनी भूमिका स्पष्ट करावी: उदयनराजे भोसले

उदयनराजे भोसले भाजपला सोडचिठ्ठी देण्याच्या तयारीत?

उदयनराजे भोसले यांनी गुरुवारी साताऱ्यात पत्रकार परिषद घेतली होती. यावेळी त्यांनी राज्यपाल भगतसिंह कोश्यारी यांच्याविरोधात अत्यंत आक्रमक भाषा वापरली होती. तसेच वेळ पडल्यास भाजपमधून बाहेर पडण्याचे सूचक संकेतही दिले होते. मी जी भूमिका मांडतोय त्या विरोधात माझ्यावर कारवाई करण्याची हिंमत पक्षश्रेष्ठी करणार नाहीत. कोणाला काय करायचं असेल ते करा, मला फरक पडत नाही. मी पक्ष मानत नाही, छत्रपतींचा विचार माझ्यासाठी महत्वाचा आहे. भगतसिंह कोश्यारी यांच्यावर कारवाई करून भाजपने हा वाद मिटवला नाही तर भाजपमध्ये राहायचे की नाही, याबाबत आपण विचार करु शकतो, असा अप्रत्यक्ष इशाराच उदयनराजे भोसले यांनी दिला होता.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

LEAVE A REPLY

Please enter your comment!
Please enter your name here