bank locker charges, दागिने आणि मौल्यवान वस्तू सुरक्षित ठेवायच्या आहेत? SBI, PNB सह प्रमुख बँकांचे शुल्क जाणून घ्या – sbi pnb icici bank hdfc bank locker charges rules and other details

नवी दिल्ली: अशा अनेक मौल्यवान वस्तू आहेत, ज्या तुम्ही घरात ठेवण्याचे जोखीम घेऊ शकत नाही. त्यामुळे लोक त्यांना आपल्या बँक लॉकरमध्ये ठेवण्यास प्राधान्य देतात. बहुतेक लोक सोने, महत्त्वाची कागदपत्रे किंवा रोकड यासारख्या मौल्यवान वस्तू बँक लॉकरमध्ये ठेवतात. आजच्या काळात लोकं बँकेच्या लॉकरमध्ये आपल्या मौल्यवान वस्तू ठेवणे अधिक सुरक्षित मानतात. बहुतेक बँका त्यांच्या शाखेत लॉकर सेवा देतात. त्यासाठी ते वार्षिक शुल्कही आकारतात. आयसीआयसीआय बँक, पंजाब नॅशनल बँक, एसबीआय आणि एचएसबीसी बँकेच्या लॉकर शुल्कांबद्दल सविस्तर जाणून घेणार आहोत.

वर्षअखेरीस कर्जदारांना झटका! आयसीआयसीआय बँकेसह PNB ने पुन्हा व्याजदर वाढवले
एसबीआय बँकेत लॉकरचे शुल्क
भारतीय स्टेट बँक (एसबीआय) ही देशातील सर्वात मोठी बँक आहे. ही बँक वार्षिक ५०० ते ३,००० रुपयांपर्यंत लॉकर शुल्क आकारते. मेट्रो आणि मेट्रोपॉलिटन भागात बँक लहान, मध्यम, मोठ्या आणि अतिरिक्त मोठ्या आकाराच्या लॉकरसाठी अनुक्रमे २०००, ४०००, ८००० आणि १२,००० रुपये आकारते. निमशहरी आणि ग्रामीण ठिकाणी एसबीआय लहान, मध्यम, मोठ्या आणि अतिरिक्त मोठ्या आकाराच्या लॉकरसाठी अनुक्रमे १५००, ३०००, ६००० आणि ९००० रुपये आकारते.

एचडीएफसी बँक लॉकर शुल्क
लॉकरचा आकार, उपलब्धता आणि स्थान यावर अवलंबून एचडीएफसी बँकेचे लॉकर शुल्क ३,००० रुपये ते २०,००० रुपये प्रतिवर्ष असू शकते. मेट्रो आणि शहरी ठिकाणी लहान लॉकरसाठी सहसा ३ हजार रुपये, मध्यम आकाराच्या लॉकरसाठी ५ हजार रुपये आणि मोठ्या लॉकरसाठी १०,००० रुपये वार्षिक शुल्क असते.

RBI Imposes Penalty: RBI ने ९ बड्या बँकांवर ठोठावला १.२५ कोटींचा दंड, यामध्ये तुमचंही खातं आहे?
आयसीआयसीआय बँक लॉकर फी
आयसीआयसीआय बँक लहान आकाराच्या लॉकरसाठी रुपये १२०० ते ५००० रुपये आणि अतिरिक्त मोठ्या लॉकरसाठी रुपये १० हजार ते २२ हजार रुपये शुल्क आकारते. लक्षात ठेवा की या शुल्कांमध्ये जीएसटी समाविष्ट नाही.

पीएनबी बँक लॉकर चार्ज
पीएनबी बँकेतील लॉकरचे वार्षिक भाडे ग्रामीण आणि निमशहरी भागात बदलते. शहरी आणि मेट्रो भागांसाठी बँक १२५० रुपये ते २००० रुपये ते १०,००० रुपये आकारते.

अरेरे… UPI द्वारे चुकून दुसऱ्याच्या बँक खात्यात पैसे ट्रान्सफर झाले? जाणून घ्या कशी वसूल करणार ही रक्कम
ॲक्सिस आणि कॅनरा बँक लॉकर शुल्क
ॲक्सिस बँकेत लॉकर नोंदणीसाठी शुल्क रु. १००० + GST असून मोफत लॉकर भेटी प्रति कॅलेंडर महिन्यात तीन पर्यंत मर्यादित आहेत. तर, कॅनरा बँकेच्या ग्राहकांसाठी, एकवेळ लॉकर नोंदणी शुल्क ४०० रुपये अधिक जीएसटी आहे.

पात्रता काय आहे
सुरक्षित ठेव लॉकर व्यक्ती, मर्यादित कंपन्या, संघटना आणि ट्रस्टद्वारे भाड्याने घेतले जाऊ शकतात. या लॉकर्समध्ये नॉमिनेशनची सुविधाही उपलब्ध आहे. ठेवीदाराचा मृत्यू झाल्यास, लॉकरमध्ये ठेवलेले सामान भाडेकरूने नामनिर्देशित केलेल्या व्यक्तीला दिले जाते.