ठाणे : शिवसेनेतील अभूतपूर्व बंडाळीनंतर ठाकरे गट विरुद्ध शिंदे गट एकमेकांसमोर उभे ठाकले असून दोन्ही बाजूंचे नेते एकमेकांवर टीकास्त्र सोडताना दिसत आहे. आज ठाण्याचे माजी महापौर आणि शिंदे गटाचे ठाण्याचे प्रवक्त नरेश म्हस्के यानी ठाकरे गटाचे खासदार संजय राऊत यांच्यावर निशाणा साधला आहे. संजय राऊत ज्यावेळेस बोलतात त्यावेळी एका हिंदी चित्रपटाचा गाणं ‘पिंजरे में पोपट बोले’, या गाण्याची आठवण येते. अशा पद्धतीने कुडमुड्या ज्योतिषी जो असतो तो ठेवलेले कार्ड उचलतो आणि जे काही बोलायचं आहे ते बोलतो. अशा पद्धतीने कुडमुडे ज्योतिषी असलेले संजय राऊत रोज सकाळी उठतात, ४० कार्ड उचलतात आणि बोलायला सुरुवात करतात, असे नरेश म्हस्के यांनी म्हटले आहे. उद्धव ठाकरे यांना विनंती आहे की, या पोपटाचे तोंड बंद करा, नाहीतर उरलेली जनता देखील तुम्हाला सोडून निघून जाईल, असा इशाराही नरेश म्हस्के यांनी दिला आहे.

मग शरद पवारांनाही गद्दार म्हणायचे का?

म्हस्के यांनी ठाकरे गटाकडून वारंवार वापरल्या जात असलेल्या गद्दार या शब्दावरही आपली प्रतिक्रिया व्यक्त केली आहे. मुळात गद्दार कोणाला म्हणतात?, काँग्रेस पक्षामधून शरद पवार बाजूला झाले. तेव्हा ते काँग्रेसचे खासदार आणि आमदारांना घेऊन बाजूला झाले. मग शरद पवार यांच्या कपाळावर गद्दार लिहिले आहे का?, असा सवालही त्यांनी उपस्थित केला.

प्रशासनाची मोठी तारांबळ! केंद्रीय आरोग्य राज्यमंत्री राहिल्या रुग्णांच्या रांगेत उभ्या, त्यांनाही मिळाले नाही औषध
राष्ट्रवादी काँग्रेसचे ज्येष्ठ नेते छगन भुजबळ हे शिवसेनेतूनच राष्ट्रवादी काँग्रेस आले. त्या भुजबळ यांच्या मांडीला मांडी लावून आज तुम्ही बसत आहात. ज्यांनी शिवसेना सोडली त्यांच्याही कपाळावर गद्दार लिहिलेले आहे, असे सांगत असे जर तुम्हाला दिसत असेल तर मग त्यांच्या बाजूला मग कसे बसता?, असा सवालही त्यांनी उपस्थित केला आहे.

म्हस्के पुढे म्हणाले, प्रियंका चतुर्वेदी या काँग्रेसमधून तुमच्याकडे आल्या. त्यांच्याही कपाळावर गद्दार हेच लिहिलेले आहे. सचिन अहीर हे देखील आहेत, किती जणांची नावे घेऊ? ज्यांना तुम्ही आमदार केलं, त्यांच्याही कपाळावर गद्दार लिहिलेले दिसले नाही का?

डॉक्टरला आला राग, कारण होते शुल्लक; क्लिनिकमधली लोखंडी सळई उचलली आणि थेट…
‘राऊत, हिम्मत असेल तर रिंगणात उतरा’

संजय राऊत, तुम्ही रोज या आमदारांच्या नावाने खडे फोडताय, परंतु त्यांच्याच मतावर तुम्ही खासदार म्हणून निवडून आलेला आहात.मग गद्दारांची मते तुम्हाला चालली का?, हिम्मत असेल तर राजीनामा द्या आणि उत्तरा रिंगणात. तुमच्या तोंडाची हवा घालवू नका, तुमचा बार फुसका आहे, अशी टीकाही म्हस्के यांनी राऊत यांच्यावर केली आहे.

बाळासाहेब ठाकरे आमच्या पित्यासमान आहेत. आम्ही त्यांचे विचार पुढे घेऊन चाललो आहोत. तुम्ही तुमच्या बापाचे हिंदुत्वाचे विचार विसरलात. तुमचा हात राष्ट्रवादीने काँग्रेसच्या दावणीला बांधलेला आहे. तुम्ही दलाल आहात. शिवसेना संपवण्याकरिता राष्ट्रवादी आणि काँग्रेसने नेमलेले तुम्ही दलाल आहात. अजित पवार सुद्धा पहाटेच्या शपथविधीला गेले होते, अशी जहरी टीका करतानाच मग त्यांच्या कपाळावर देखील गद्दार असे लिहिले आहे का?, असा सवाल म्हस्के यांनी उपस्थित केला.

बाबासाहेब पुरंदरे यांच्या विकृत व अनैतिहासिक मांडणीवर अभ्यासपूर्ण टीका केली; डॉ. जयसिंगराव पवार यांचा खुलासा
लोकांमधून तुम्ही कधी निवडून आलेला नाहीत. नाशिकमध्ये तुम्ही क्लीन बोल्ड झालेला आहात. तुमच्यामुळे शिवसेना संपलेली आहे आणि शिवसैनिक तुम्हाला तुमची जागा दाखवून देणार आहेत. तुम्ही तर आमदारांना आव्हान देण्यापेक्षा राजीनामा द्या. कारण तुम्ही टीका करता त्याच आमदारांच्या जीवावर खासदार झालेला आहात. तुम्ही लोकांमधून निवडून आलेला नाहीत. आता तरी आत्मपरीक्षण करा, असेही म्हस्के पुढे म्हणाले.

LEAVE A REPLY

Please enter your comment!
Please enter your name here