नवी दिल्ली: आंतरराष्ट्रीय बाजारात बेंचमार्क ब्रेंट क्रूडची किंमत अजूनही नरम झाली आहे. तेल उत्पादक देशांची संघटना असलेल्या OPEC+ ची उद्याच बैठक होणार असून या दरम्यान, पुढील महिन्यासाठी म्हणजेच जानेवारी २०२३ साठी उत्पादनाचे लक्ष्य निश्चित केले जाईल. त्यामुळे जगभरातील बाजारपेठांमध्ये खळबळ उडाली आहे. त्याचा परिणाम कच्च्या तेलाच्या बाजारावरही दिसून येत आहे. मात्र, आजही भारतीय बाजारात पेट्रोल-डिझेलच्या दरात कोणताही बदल झालेला नाही.

सरकारी तेल विपणन कंपन्यांनी (सरकारी OMCs) पेट्रोल आणि डिझेलच्या किमतीत आज म्हणजेच शनिवारी कोणताही बदल केला नाही. यापूर्वी कंपन्यांनी ६ एप्रिल २०२२ रोजी पेट्रोल आणि डिझेलच्या दरात प्रति लिटर ८०-८० पैशांनी शेवटची वाढ केली होती.

मायानगरी मुंबईत शनिवारी पेट्रोल १०६.३१ रुपये प्रति लिटर आणि डिझेल ९४.२७ रुपये प्रति लिटर दराने उपलब्ध आहे. तर दिल्लीत पेट्रोल ९६.७२ रुपये आणि डिझेल ८९.६२ रुपये प्रति लिटर दराने मिळत आहे. राजस्थानातील गंगानगर आणि हनुमानगड जिल्ह्यात सर्वाधिक महाग पेट्रोल-डिझेल विकले जात आहे. गंगानगरमध्ये पेट्रोल ११३.४८ रुपये प्रति लिटर आणि डिझेल ९८.२४ रुपये प्रति लिटर आहे. तर हनुमानगड जिल्ह्यात पेट्रोल ११२.५४ रुपये प्रति लिटर आणि डिझेल ९७.३९ रुपये प्रतिलिटर दराने विकले जात आहे.

दागिने आणि मौल्यवान वस्तू सुरक्षित ठेवायच्या आहेत? SBI, PNB सह प्रमुख बँकांचे शुल्क जाणून घ्या
भारतातील सर्वात स्वस्त पेट्रोल आणि डिझेल
याशिवाय सर्वात स्वस्त पेट्रोल आणि डिझेल पोर्ट ब्लेअरमध्ये उपलब्ध आहे, जिथे पेट्रोलची किंमत ८४.१० रुपये प्रति लिटर आणि डिझेलची किंमत ७९.७४ रुपये प्रति लिटर आहे. दुसरीकडे महाराष्ट्रातील अनेक शहरात इंधनाचे दर आजही १०० रुपयांचे वरच राहिले आहेत. मुंबई शहरात पेट्रोलचा आजचा दर रु. १०६.३१ प्रति लिटर आहे. तर काल, २ डिसेंबर २०२२ पासून मुंबई शहरातील किमतीत कोणताही बदल झाला नाही. मुंबई शहरात दर १५ जुलैपासून पेट्रोलचे दर स्थिरावले आहेत, तर सलग पाच महिन्यांपासून दर अपरिवर्तित राहिला आहे.

इंधन दरांत शेवटचा बदल कधी
या वर्षाच्या सुरुवातीला पेट्रोलचे दर वाढले, मात्र गेल्या एप्रिलपासून त्याच्या दरात कोणतीही वाढ किंवा घट झालेली नाही. २२ मे २०२२ पासून केंद्र सरकारने पेट्रोलवरील केंद्रीय उत्पादन शुल्क कमी करण्याचा निर्णय घेत वाहनचालकांना किंचित दिलासा दिला. याचे अनुसरण करत काही राज्य सरकारांनी देखील व्हॅटमध्ये कपात जाहीर केली होती.

महागाईने रडकुंडीला आणलं! साखर, दूध, तांदळाने नागरिकांचे ‘तेल’ काढले; पाहा काय आहेत दर
डिझेलचे दरही स्थिर
गेल्या वर्षी सप्टेंबरनंतर पेट्रोलच्या तुलनेत डिझेलचे दर बाजार तेजीत होते. व्यावसायिक दृष्टिकोनातून डिझेल बनवणे पेट्रोलपेक्षा महाग असते, पण भारताच्या खुल्या बाजारात पेट्रोल महाग आणि डिझेल स्वस्त विकले जाते. या वर्षी २२ मार्चपासून डिझेलच्या दरात पेट्रोलपेक्षा जास्त वाढ झाली. मात्र, ७ एप्रिलपासून त्याचे दरही स्थिर आहेत. या वर्षी २२ मे रोजी केंद्रीय उत्पादन शुल्कात कपात करण्यात आली होती.

पॅकेजिंगसाठी नवीन नियमावली लागू होणार; पाकिटबंद वस्तूंवर नेमकं काय लिहिलं असेल जाणून घ्या
आज तुमच्या शहरात पेट्रोल आणि डिझेलचे दर काय आहेत जाणून घ्या…
अहमदनगर- पेट्रोल रु. १०६.२४ प्रति लिटर डिझेल रु. ९२.७७
औरंगाबाद पेट्रोल रु. १०६.२६ प्रति लिटर डिझेल रु. ९२.७७
धुळे पेट्रोल रु. १०६.०४ प्रति लिटर डिझेल रु. ९२.५७
कोल्हापूर पेट्रोल रु. १०६.७३ प्रति लिटर डिझेल रु. ९३.२५
मुंबई शहर पेट्रोल रु. १०६.३१ प्रति लिटर डिझेल रु. ९४.२७
नाशिक पेट्रोल रु. १०६.०६ प्रति लिटर डिझेल रु. ९२.५८
पुणे पेट्रोल रु. १०६.६७ प्रति लिटर डिझेल रु. ९३.१६
ठाणे पेट्रोल रु. १०५.८६ प्रति लिटर डिझेल रु. ९२.३६
(स्रोत- IOC SMS)

कच्च्या तेलाचे दर
कच्च्या तेल उत्पादक देशांची संघटना, OPEC+ ची, बैठक उद्याच होणार आहे. या पुढील महिन्यात म्हणजे जानेवारी २०२३ साठी उत्पादन लक्ष्य निश्चित केले जाणार असल्यामुळे ही बैठक महत्त्वाची असेल. दरम्यान, युरोपियन युनियनने रशियन कच्च्या तेलाची कमाल किंमत ६० डॉलर प्रति बॅरल निश्चित केली असून येत्या काही महिन्यांतही कच्च्या तेलाच्या किमती कमी राहण्याची शक्यता आहे. शुक्रवारी बाजार बंद होताना कच्च्या तेलात नरमाई दिसून आली. ब्रेंट १.५१ टक्के, किंवा १.३१ डॉलरने घसरून ८५.५७ डॉलरवर खाली आला. तर डब्ल्यूटीआय क्रूड देखील १.५३ टक्क्यांनी किंवा १.२४ डॉलरने घसरून ७९.९८ डॉलरवर घसरला.

LEAVE A REPLY

Please enter your comment!
Please enter your name here