child stuck in lift, लिफ्ट अडकली; लहानगा रडू लागला, आक्रोश केला, हात दारावर आपटले; चिमुरड्याचं पुढे काय झालं? – greater noida child stuck in society lift for 10 minutes cctv footage viral

सीसीटीव्ही फुटेजमध्ये एक मुलगा त्याच्या सायकलसह लिफ्टमध्ये अडकलेला दिसतो. लिफ्ट अचानक थांबताच तो दरवाज्यावर जोरजोरात हात मारतो. अडकलेल्या मुलानं लिफ्टमधील इमर्जन्सी बटणाचा आणि इंटरकॉमचा वापर केला. मात्र मॉनिटरिंग रुममधून सीसीटीव्ही फुटेज पाहणाऱ्या सुरक्षा रक्षकानं त्याकडे दुर्लक्ष केल्याचा आरोप मुलाच्या पालकांनी केला. मुलानं वारंवार इमर्जन्सी बटण दाबलं, इंटरकॉमवरून संपर्क साधण्याचा प्रयच्न केला. मात्र कोणताच प्रतिसाद मिळाला नाही. याचा अर्थ सुरक्षा रक्षक जागेवर नव्हता, असं पालकांचं म्हणणं आहे.
अरेरे! ५ फुटी सळई उडाली, ट्रेनची खिडकी फोडून मानेतून आरपार गेली; ३ दिवसांनंतर होता वाढदिवस
लिफ्टचा दरवाजा उघडत नसल्यानं मुलानं आरडाओरडा सुरू केला. त्यानं दोन्ही हात जोरजोरात दारावर आपटण्यास सुरुवात केली. त्याचा आवाज पाचव्या मजल्यावरील रहिवाशानं ऐकला. त्यानं लगेच मदतीसाठी धाव घेतली. त्यानं सुरक्षा रक्षकाच्या खोलीत फोन लावला आणि देखभालीची जबाबदारी असलेल्या कर्मचाऱ्यांना बोलावलं. यानंतर मुलाची सुखरुप सुटका झाली.
२० सेकंदांत ११४चा स्पीड गाठला अन् अनर्थ घडला; दोन तरुणांचा अंत; त्यांनीच रेकॉर्ड केला VIDEO
दोन दिवसांपूर्वी म्हणजेच गुरुवारी गाझियाबादमधील एसोटेक नेस्ट सोसायटीमध्येही अशीच घटना घडली. सोसायटीच्या लिफ्टमध्ये ३ लहान मुली अडकल्या. त्यांचा व्हिडीओदेखील सोशल मीडियावर व्हायरल झाला. या प्रकरणी स्थानिक पोलीस ठाण्यात तक्रार दाखल करण्यात आली. पोलिसांनी एफआयआर दाखल करून तपास सुरू केला.