मुंबईः करोना व्हायरसच्या विळख्यात सापडलेल्या महाराष्ट्रात आज विक्रमी संख्येनं करोना रुग्ण आढळले आहेत. आज तब्बल ८ हजार २४० नवीन रुग्णांची नोंद झाल्यानं एकूण रुग्णसंख्या ३ लाख १८ हजार ६९५ इतकी झाली आहे. त्यात पुणे महापालिका क्षेत्रात ६५ हजार २८६ तर मुंबई महापालिका क्षेत्रात १ लाख २ हजार ४२३ रुग्णांची संख्या झाली आहे. अशी माहिती राज्याचे आरोग्यमंत्री राजेश टोपे यांनी दिली आहे. ()

राज्यात दिवसभरात १७६ करोना रुग्णांना जीव गमवावा लागला आहे. त्यामुळं करोनाबळींचा आकडा आता १२ हजार ०३० पर्यंत पोहोचला आहे. राज्याचा मृत्यूदर ३.७७ इतका आहे. सध्या राज्यात ७ लाख ६५ हजार ७८१ जणं होम क्वारंटाइन आहेत तर ४५ हजार ४३४ व्यक्ती संस्थांत्मक क्वारंटाइनमध्ये आहेत. राज्यात नोंद झालेले १७६ मृत्यू हे मुंबई मनपा-४१, ठाणे-५, नवी मुंबई मनपा-११, कल्याण-डोंबिवली मनपा-११, उल्हासनगर मनपा-६,वसई-विरार मनपा-२, रायगड-४,पनवेल-२,नाशिक मनपा-२, धुळे मनपा-१, जळगाव-१८, जळगाव मनपा-३, पुणे-९, पुणे मनपा-२२, पिंपरी-चिंचवड मनपा-११,सोलापूर-१, सोलापूर मनपा-४, सातारा-२, कोल्हापूर-४, सांगली-४,औरंगाबाद मनपा-३, जालना-१,लातूर-२, नांदेड मनपा-२, अमरावती-१, अमरावती मनपा-१, बुलढाणा-२, वर्धा-१ या जिल्हा आणि मनपा क्षेत्रातील तर इतर राज्य १ अशी नोंद आहे.

वाचाः

राज्यातील करोनाबाधितां रुग्णांचा आकडा चिंता वाढवणारा असला तरी करोनामुक्त होणाऱ्या रुग्णांची संख्याही वाढताना दिसत आहे. त्यामुळं थोडा दिलासा मिळाला आहे. आज ५ हजार ४६० जणांनी करोनावर यशस्वीपणे मात केली आहे. आजपर्यंत एकूण १ लाख ७५ हजार ०२९ जण सुखरुप घरी परतले आहेत. त्यामुळं राज्यातील रुग्ण बरे होण्याचे प्रमाण ५४. ९२ टक्के आहे. तर, आजपर्यंत तपासण्यात आलेल्या १६, ००, ६६७ चाचण्यांपैकी ३ लाख १८ हजार ६९५ अहवाल पॉझिटिव्ह आले आहेत.

वाचाः

पुणे शहरात मृत्युसंख्या हजारपार

पुणे शहरातील करोनारुग्णांच्या मृत्युसंख्येने रविवारी एक हजाराचा टप्पा पार केला. पुणे महापालिका हद्दीत २२ रुग्णांचा मृत्यू झाला असून, पुणे शहरातील एकूण मृत्युसंख्या १ हजार ८७२ इतकी आहे. मुंबई महापालिकेच्या हद्दीत आजपर्यंत एकूण ५ हजार ७५५ मृत्यूंची नोंद झाली असून, मुंबईनंतर चार अंकी आकडा गाठणारे पुणे हे राज्यातील दुसरे शहर आहे, अशी माहिती आरोग्य विभागाने दिली.

Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times

LEAVE A REPLY

Please enter your comment!
Please enter your name here