mumbai crime news in marathi, क्षुल्लक कारणावरुन वाद; शाळेबाहेर विद्यार्थ्यावर चाकूहल्ला, हल्लेखोर दहावीचा विद्यार्थी – 15-year-old slashes schoolmate in kandivli

कांदिवली पश्चिम येथील शाळेत दोन्ही विद्यार्थी दहावी इयत्तेत मात्र वेगवेगळ्या तुकड्यांमध्ये शिकतात. काही दिवसांपूर्वी दोघांमध्ये क्षुल्लक कारणावरून वाद झाला होता. यामुळे दोघांमध्ये वारंवार खटके उडत होते. याच रागातून एका विद्यार्थ्याने दुसऱ्यावर शाळेजवळच चाकूने हल्ला केला. या हल्ल्यात जखमी झालेल्या विद्यार्थ्याच्या हातावर डॉक्टरांनी १३ ते १४ टाक्यांची शस्त्रक्रिया केली.

२६ नोव्हेंबरच्या या घटनेचा व्हिडीओ व्हायरल झाल्यानंतर कांदिवली पोलिसांनी या घटनेची दखल घेत गुन्हा दाखल केला. घातक शस्त्राने जीवघेणा हल्ला केल्याच्या कलमांतर्गत गुन्हा दाखल करण्यात आला असून मुलगा अल्पवयीन असल्याने कायद्यातील तरतुदीनुसार त्याच्यावर कारवाई करणार असल्याचे पोलिसांनी म्हटले आहे.