Shraddha Walkar Murder Case: श्रद्धा हत्या प्रकरणातील आरोपी आफताब पुनावालाची पॉलिग्राफ आणि नार्को टेस्ट पूर्ण झाली आहे. मात्र पोलिसांच्या अडचणी अद्याप संपलेल्या नाहीत. दोन्ही टेस्टमधील आफताबचा पवित्रा, त्यानं प्रश्नांना दिलेली उत्तरं यामुळे पोलिसांसमोर नवी समस्या निर्माण झाली आहे. आफताबनं पॉलिग्राफ आणि नार्को टेस्टमध्ये स्प्लिट पर्सनॅलिटी होण्याचं नाटक केल्याचा संशय मानसोपचार विभागातील तज्ज्ञांना वाटतं. तशी माहिती एफएसएल सुत्रांनी दिली आहे.

 

aftab 3
दिल्ली: श्रद्धा हत्या प्रकरणातील आरोपी आफताब पुनावालाची पॉलिग्राफ आणि नार्को टेस्ट पूर्ण झाली आहे. मात्र पोलिसांच्या अडचणी अद्याप संपलेल्या नाहीत. दोन्ही टेस्टमधील आफताबचा पवित्रा, त्यानं प्रश्नांना दिलेली उत्तरं यामुळे पोलिसांसमोर नवी समस्या निर्माण झाली आहे. आफताबनं पॉलिग्राफ आणि नार्को टेस्टमध्ये स्प्लिट पर्सनॅलिटी होण्याचं नाटक केल्याचा संशय मानसोपचार विभागातील तज्ज्ञांना वाटतं. तशी माहिती एफएसएल सुत्रांनी दिली आहे.

आफताबचं दोन्ही टेस्टच्यावेळी असलेलं वर्तन पाहून तज्ज्ञ कोड्यात पडले आहेत. आफताबनं दोन्ही टेस्टमध्ये दिलेली उत्तरं पाहून तज्ज्ञांना वेगळाच संशय आला आहे. आफताब स्वत:च पॉलिग्राफ आणि नार्को टेस्ट करू इच्छित होता, असं त्याचं वर्तन आणि त्यानं दिलेली उत्तरं पाहून वाटतं. या प्रकरणी तपास अधिकाऱ्यानं एफएसएसच्या तज्ज्ञांशी आफताबच्या टेस्टसंबंधी संवाद साधला.
स्वत: चाली रचतोय, स्वत:च हाणून पाडतोय! जेलमध्ये आफताबचा ‘भलताच खेळ’; पोलिसांना वेगळीच भीती
आफताबचं वर्तन पाहून त्याच्यात दोन वेगवेगळ्या प्रकारच्या व्यक्तीमत्त्व असल्याचं मानसोपचारतज्ज्ञांना वाटतं. याला मानसोपचाराच्या भाषेत स्प्लिट पर्सनॅलिटी डिसऑर्डर म्हटलं जातं. आफताबमध्ये अचानक होणारा मोठा बदल हे यामागचं सर्वात मोठं आणि महत्त्वाचं कारण आहे. तो कधी श्रद्धावर नितांत प्रेम असल्याचं सांगतो, तर कधी अतिशय तिरस्कार वाटत असल्यानं तिची हत्या केल्याचं सांगतो. त्यापुढे जाऊन हत्येबद्दल कोणताच पश्चाताप नसल्याचंही म्हणतो.
आफताब इतका थंड कसा? अखेर उत्तर मिळालं; डेप-हर्ड घटस्फोटापासून जुन्या केसेसपर्यंत कनेक्शन
पोलीस दलातील सुत्रांनी दिलेल्या माहितीनुसार, आफताबचं वर्तन त्यांच्यासाठी त्रासदायक ठरत आहे. आफताबनं आधी मुंबई पोलिसांची दिशाभूल केली. मग दिल्ली पोलिसांकडे तपास जाताच त्यांना सहकार्य करण्यास सुरुवात केली. गुन्ह्याची कबुली दिली. मात्र आता तो पोलिसांना नियोजनबद्ध रितीनं विणलेल्या जाळ्यात अडकवण्याचा प्रयत्न करत आहे. आफताब कोर्टात ड्युएल पर्सनॅलिटी डिसऑर्डर सारखा मानसिक आजार सिद्ध करण्यात यशस्वी झाल्यास त्याला शिक्षा होणं अवघड ठरू शकतं. कायदेतज्ज्ञांनुसार, अशा प्रकारचे मानसिक आजार सिद्ध झाल्यास आरोपीला शिक्षा होऊ शकत नाही.

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Get India news, latest marathi news headlines from all states of India. Stay updated with us to get latest India news in marathi.

LEAVE A REPLY

Please enter your comment!
Please enter your name here