जालना : राज्याचे मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांनी आज समृद्धी महामार्गाच्या पहिल्या टप्प्याची पाहणी केली. नागपूरपासून सुरू झालेला हा दौरा शिर्डी येथे संपणार आहे. नागपूर ते शिर्डी या ५२० किलोमीटरपर्यंतच्या मार्गाचे लोकार्पण ११ डिसेंबर रोजी पंतप्रधान नरेंद्र मोदी यांच्या हस्ते होणार आहे. तत्पूर्वी शिंदे-फडणवीस यांनी या महामार्गाची पाहणी केली. नागपूर येथून समृद्धी महामार्गाची पाहणी करण्यासाठी निघालेल्या मुख्यमंत्री आणि उपमुख्यमंत्र्यांचे जालना तालुक्यातील जामवाडी येथे स्वागत करण्यात आलं. इथपर्यंत देवेंद्र फडणवीस यांनीच गाडीचे स्टेअरिंग सांभाळलेलं पाहायला मिळालं.

खरंतर समृद्धी महामार्ग हा देवेंद्र फडणवीस यांचा ड्रीम प्रोजेक्ट मानला जातो. फडणवीस सरकारच्या काळातच या महामार्गासाठी जमीन हस्तांतरण करण्यास सुरुवात झाली होती. त्यानंतर आलेल्या महाविकास आघाडी सरकारने हे काम पुढे नेले. महाविकास आघाडीकडूनच या महामार्गाचं लोकार्पण केलं जाईल, अशी चर्चा होती. मात्र एकनाथ शिंदे यांनी शिवसेनेतून बंड केल्याने उद्धव ठाकरे यांच्या नेतृत्वाखालील सरकार कोसळलं आणि शिंदे हे मुख्यमंत्रिपदी तर देवेंद्र फडणवीस हे उपमुख्यमंत्रिपदी विराजमान झाले. या दोघांच्या कार्यकाळातच आता समृद्धी महामार्गाचं लोकार्पण होणार आहे.

आयुष्यात नेहमीच तुमच्या अपेक्षेप्रमाणं…. तडकाफडकी बदलीनंतर तुकाराम मुंढेंचं पहिलं ट्विट

दरम्यान, आज जालन्यात शिंदे-फडणवीस यांचं आगमन झालं त्यावेळी केंद्रीय रेल्वे राज्यमंत्री रावसाहेब दानवे, आमदार नारायण कुचे, माजी राज्यमंत्री अर्जुन खोतकर यांच्यासह जिल्हाधिकारी डॉ. विजय राठोड, जिल्हा पोलीस अधीक्षक डॉ. अक्षय शिंदे यांची उपस्थिती होती. यावेळी आलेल्या कार्यकर्त्यांनी धनुष्यबाण असलेले झेंडे दाखवत मुख्यमंत्र्यांचं जोरदार स्वागत केलं.

जालना जिल्ह्यात कसं असेल ‘समृद्धी’चं स्वरुप?

समृद्धी महामार्ग जालना जिल्ह्याच्या जालना व बदनापूर तालुक्यांतून जातो. जिल्ह्यातील या महामार्गाचे अंतर सुमारे ४२.७२ किलोमीटर इतके आहे. जिल्ह्यात एक टोल प्लाझा असून निधोना, ता. जालना येथे हा टोल प्लाझा / इंटरचेंज आहे. जालना व बदनापूर तालुक्यातील सुमारे २५ गावांतून हा महामार्ग जातो. नाव्हा, वरुड, कडवंची, नंदापूर, थार, अहंकार देऊळगाव, दहेवाडी, पानशेंद्रा, श्रीकृष्णनगर, जामवाडी, गुंडेवाडी, जालना, तांदुळवाडी, आंबेडकरवाडी, निधोना, कडगाव, नजीकपांगरी, केळीगव्हाण, भराडखेडा, निकळक, अकोला, गोकुळवाडी, सोमठाणा, दुधनवाडी आणि गेवराईबाजार अशी या गावांची नावे आहेत.

LEAVE A REPLY

Please enter your comment!
Please enter your name here