parbhani accident news, भीषण! सुसाट कारने ५ ते ६ दुचाकींना चिरडलं, एकाचा जागीच मृत्यू; वाहनांचा चुराडा – a car hit 5 to 6 two wheelers on parbhani jintur road one passed away on the spot

परभणी : परभणी-जिंतूर मार्गावर विचित्र अपघात झाला आहे. एका भरधाव कारने पाच ते सहा दुचाकींना धडक दिल्यामुळे एकाचा जागीच मृत्यू झाला आहे. तसंच या अपघातामध्ये चार जण गंभीर जखमी झाले आहेत. जखमींपैकी तिघांना परभणी जिल्हा सामान्य रुग्णालयात प्राथमिक उपचार करून पुढील उपचारासाठी परभणी शहरातील खासगी रुग्णालयामध्ये उपचारासाठी हलवण्यात आलं आहे. अपघातास कारणीभूत असलेला कारचालक घटनास्थळावरून पसार झाला आहे. फयाज खान असं अपघातामध्ये मृत्यू झालेल्या व्यक्तीचं नाव आहे.

मिळालेल्या माहितीनुसार, जिंतूर येथून परभणीकडे येणाऱ्या एमएच २१ बी. वाय. ४४७७ या क्रमांकाच्या भरधाव कारने पाच ते सहा दुचाकींना जोरदार धडक दिली. या अपघातामध्ये परभणी शहरातील फयास खान यांचा जागीच मृत्यू झाला, तर अपघातामध्ये चार जण गंभीर जखमी झाले. यातील तिघांना नागरिकांनी उपचारासाठी परभणी जिल्हा सामान्य रुग्णालयामध्ये दाखल केले. मात्र त्यांना गंभीर दुखापत झाल्याने त्यांच्यावर जिल्हा सामान्य रुग्णालयामध्ये प्राथमिक उपचार करून पुढील उपचारासाठी खासगी रुग्णालयात हलवण्यात आले आहे.

घरकुलासाठी जिल्हाधिकारी कार्यालयाबाहेर उपोषण, वृद्धाचा थंडीनं मृत्यू, नातेवाईकांचा मन्न सुन्न करणारा आक्रोश

अपघातामध्ये जखमी झालेल्या एका व्यक्तीला अगोदरच खासगी रुग्णालयामध्ये उपचारासाठी दाखल करण्यात आले होते. अपघाताची माहिती मिळतात पोलिसांनी घटनास्थळी धाव घेऊन पाहणी केली.

दरम्यान, या अपघातामुळे परभणी-जिंतूर महामार्गावर मोठ्या प्रमाणात वाहतुकीची कोंडी निर्माण झाली होती. या अपघातास कारणीभूत असलेल्या कारचालकाने घटनास्थळावरून पळ काढला असल्याने त्याचे नाव समजू शकलेलं नाही.