turning point of ind vs ban odi match, शार्दुल ठाकूरच्या एकाच षटकात झाला भारताचा पराभव, जाणून घ्या सामन्याचा टर्निंग पॉइंट – india lost in shardul thakur’s single over in 1st odi against bangladesh, know the turning point of the match

ही गोष्ट घडली ती ४३व्या षटकात. बांगलादेशचा मेहंदी हसन मिर्झा हा त्यावेळी फलंदाजी करत होता. शार्दुलच्या या ४३व्या षटकाच्या तिसऱ्या चेंडूवर मेहंदी मोठा फटका मारायला गेला आणि त्यामध्येच फसला. तिसऱ्या चेंडूवर हसनचा झेल उडाला होता. हा एकदम सोपा झेल यष्टीरक्षण करत असलेल्या लोकेश राहुलसाठी होता. राहुल हा सोपा झेल पकडणार आणि भारतीय संघ विजयी ठरणार, असे सर्वांनाच वाटत होते. पण राहुलकडून यावेळी मोठी चूक घडली आणि त्याचा फटका भारतीय संघाला बसला. कारण हा झेल सोपा असला तरी तो राहुलला पकडता आला नाही आणि त्याच्या हातून हा झेल सुटला. त्यामुळे भारतीय संघाला या गोष्टीचा मोठा फटका बसला. कारण हा झेल राहुलने पकडला असता तर भारताला विजय मिळवता आला असता. ही गोष्ट फक्त एवढ्यावरच थांबली नाही. कारण या पुढच्या चेंडूवर अजून एक संधी भारतासाठी चालून आली होती.

शार्दुलच्या या ४३ व्या षटकाच्या चौथ्या चेंडूवर पुन्हा एकदा मेहंदीचा झेल उडाला. पण हा झेल टिपण्यासाठी वॉशिंग्टन सुंदर पुढेच आला नाही. त्यामुळे हा चेंडू मैदानातच पडला. हा झएल जरी सुंदरने पकडला असता तरीदेखील भारताला विजय मिळवता आला असता. पण राहुलनंतर सुंदर हा झेल पकडण्यात अपयशी ठरले आणि शार्दुलच्या या ४३ व्या षटकात सामना बांगलादेशच्या बाजूने फिरल्याचे पाहायला मिळाले. शार्दुलची या षटकात एकही चूक नव्हती. उलट शार्दुलला या षटकात विकेट मिळाली असती आणि भारताला विजय मिळवता आला असता. पण शार्दुलच्या एका षटकात हे दोन्ही झेल सुटले आणि त्यामुळेच भारताला पराभव पत्करावा लागला.