नवी दिल्ली: वार्षिक उत्पन्न ५ लाखांपेक्षा जास्त असलेल्या नागरिकांना प्राप्तिकर रिटर्न (आयटीआर) भरणे अनिवार्य आहे. या वर्षी ३० जुलैपर्यंत प्राप्तिकर विवरणपत्र भरायचे होते. आयकर कायदा १९६१ नुसार, ज्या करदात्यांनी या मुदतीच्या आत कर विवरणपत्र भरले नाही त्यांना आयकर नोटीस मिळण्याचा धोका आहे. हे टाळण्यासाठी, विलंबित आयटीआर भरण्याचा पर्याय देण्यात आला आहे. ही अंतिम तारीख ३१ डिसेंबर २०२२ आहे.

अर्थसंकल्पात सामान्यांना मोठा दिलासा; कररचनेत बदल होणार? काय आहेत संकेत
दंड भरावा लागेल
जे करदाते ३० जुलै २०२२ पर्यंत आयटीआर दाखल करू शकले नाहीत, आयकर विभागाने त्यांना १ ऑगस्ट ते ३१ डिसेंबर या कालावधीत दंड भरून विलंबित ITR दाखल करण्याची संधी दिली आहे. आयकर कायदा १९६१ च्या कलम १३९ (५) अंतर्गत, करदात्यांना आयटीआर अपडेट आणि विलंबित आयटीआर दाखल करण्याची सुविधा देण्यात आली आहे. अशा परिस्थितीत जे करदाते या मुदतीपर्यंत अपडेटेड आयटीआर दाखल करू शकत नाहीत त्यांना आयकर विभागाच्या नोटिसांना सामोरे जावे लागू शकते किंवा मोठा दंडही भरावा लागू शकतो.

करदात्यांच्या कामाची बातमी! आता UPI, क्रेडिट कार्डद्वारेही भरता येणार इन्कम टॅक्स, कसं ते जाणून घ्या
विलंबित आयटीआर साठी दंड नियम
विलंबित आयटीआर भरण्यासाठी आयकर कायदा, १९६१ च्या कलम २३४एफ अंतर्गत निर्धारित दंड करदात्यांकडून वसूल केला जातो. उशीरा आयटीआर दाखल करणार्‍या लहान करदाते म्हणजेच २.५ लाख ते ५ लाख वार्षिक उत्पन्न असलेल्यांना १,००० रुपये दंड भरावा लागेल. तर ज्यांचे उत्पन्न ५ लाखांपेक्षा जास्त आहे, त्यांना ५,००० रुपये दंड भरावा लागतो.

करदात्यांसाठी महत्त्वाची बातमी! आता या बँकांच्या ग्राहकांना ऑनलाइन प्राप्तिकर भरता येणार नाही
दंड भरण्याची पद्धत
तुम्ही विलंबित आयटीआर भरण्यापूर्वी तुम्हाला दंड भरावा लागेल. चलन क्रमांक २८० वापरून विलंबित आयटीआर भरण्यासाठी विलंब शुल्क/दंड भरला जातो. करदात्याला हा दंड एनएसडीएलच्या वेबसाइटवर किंवा बँकेच्या शाखेला भेट देऊन भरता येईल.

LEAVE A REPLY

Please enter your comment!
Please enter your name here