woman eloped with lover, लेकीचं लग्न १० दिवसांवर, संपूर्ण घरात लगीनघाई; संधी साधत प्रियकरासोबत पळून गेली आई; सोबत… – haridwar mother absconded with her lover after taking daughter wedding jewelry

मंगलौर पोलीस ठाण्याच्या हद्दीत राहणारी ३८ वर्षीय महिला रमा (नाव बदलण्यात आलंय) तिचा प्रियकर राहुलसोबत (नाव बदलण्यात आलंय) पळून गेली. घरातील लाखो रुपयांचे दागिने घेऊन तिनं पळ काढला. महिला आणि तिचा प्रियकर एकाच कंपनीत काम करायचे. महिलेच्या पतीचं निधन वर्षभरापूर्वी झालं आहे. तिला एक मुलगा आणि दोन मुली आहेत. मोठ्या मुलीचा विवाह १४ डिसेंबरला आहे. त्यामुळे घरात लगीनघाई सुरू होती. पाहुण्यांची ये-जा सुरू होती.
बायको घरमालकासोबत ल्युडो खेळू लागली; स्वत:ला पणाला लावून हरली, पतीला कॉल केला अन् मग…
घरातलं पहिलंच शुभकार्य असल्यानं अनेकांना निमंत्रणं पाठवण्यात आली. अनेकांच्या घरी पत्रिका पोहोचल्या. शनिवारी रात्री रमा अचानक बेपत्ता झाली. कुटुंबियांनी राहुलवर संशय आला. त्यांनी त्याचा ठावठिकाणा शोधण्याचा प्रयत्न सुरू केला. मात्र तो फरार असल्याचं समजलं. महिलेच्या कुटुंबियांनी घरात शोधाशोध केली. तर लाखो रुपये आणि दागिने गायब असल्याचं समजलं. यानंतर त्यांनी पोलिसात धाव घेतली.
संपूर्ण शरीरावर पुरळ, अवयव निकामी झाले; केशरोपणानंतर तरुणाचा वेदनादायी मृत्यू; आईचा आक्रोश
महिला आणि तरुण शनिवारी रात्री फरार झाल्याचं मंगलौर पोलीस ठाण्याचे एसएचओ राजीव रौथान यांनी सांगितलं. महिलेच्या मुलीचा विवाह १४ डिसेंबरला होता. तिच्या लग्नासाठीचे दागिने घेऊन महिला पसार झाल्याची माहिती रौथान यांनी दिली. महिला आणि तरुण एकाच कारखान्यात काम करायचे. दोघांचं एकमेकांच्या घरी येणं जाणं असायचं. दोघांनी पळून लग्न केल्याचा संशय पोलिसांना आहे. दोघांचा शोध सुरू असून त्यांना लवकरच पकडण्यात येईल, असं रौथान म्हणाले.