नवी दिल्ली :हिमाचल प्रदेश विधानसभा निवडणुकीसाठीच्या मतदानानंतर विविध संस्थांच्या मतदानोत्तर चाचण्या (एक्झिट पोल) प्रसिद्ध झाल्या असून या चाचण्यांमध्ये हिमाचल प्रदेशात भारतीय जनता पक्षाला बहुमत मिळाताना दिसत आहे. मात्र, असले तरी सर्व चाचण्यांचा अभ्यास केल्यास हिमाचल प्रदेशात भाजप आणि काँग्रेस या दोन पक्षांमध्ये चुरशीची लढत पाहायला मिळत आहे.

हिमाचल प्रदेशात भाजप आणि काँग्रेसमध्ये चुरशीची लढत

हिमाचल प्रदेशात विधानसभेच्या निवडणुकीत दर पाचव्या वर्षी सरकार बदलण्याची परंपरा आहे. मात्र यावेळी अॅक्सिस-आज तकच्या सर्वेक्षणात भाजप आणि काँग्रेसमध्ये चुरशीची लढत होण्याची शक्यता दाखवण्यात आली आहे. ही परिस्थिती लक्षात घेता सरकार उलथण्याची शक्यता नाकारता येत नाही. विधानसभेच्या ६८ जागा असलेल्या हिमाचल प्रदेशमध्ये १२ नोव्हेंबरला मतदान झाले होते.

Gujarat Exit Poll: गुजरातमध्ये पुन्हा भाजप सत्तेत, १२७ चा रेकॉर्ड तुटण्याची शक्यता, एक्झिट पोलचा अंदाज
हिमाचल प्रदेशात पुन्हा भाजपचे सरकार येण्याची शक्यता

हिमाचल प्रदेशातील तीन एक्झिट पोलनुसार भाजप सरकार टिकून आहे असे स्पष्ट होत आहे. टाइम्स नाऊ- नवभारतने या वृत्तवाहिनेने ETG सोबत एक सर्वेक्षण केले आहे. या सर्वेक्षणानुसार हिमाचल प्रदेशात भाजपच्या खात्यात ३८ जागा येणार असल्याचे दिसत आहे. तर, काँग्रेस पक्षाला फक्त २८ जागा मिळताना दिसत आहेत. या सर्वेक्षणात हिमाचलमधील आपने खातेही उघडल्याचे दिसत नाही.

तर, दुसरीकडे आर-भारत आणि पी मार्कच्या सर्वेक्षणानुसार, हिमाचल प्रदेशमध्ये भाजपला ३६ जागा मिळण्याचा अंदाज बांधण्यात आला असून यानुसार भाजप हिमाचल प्रदेशातील आपली सत्ता वाचवण्यात यशस्वी होईल असा अंदाज व्यक्त करण्यात आला आहे. तर, या सर्वेक्षणानुसार, काँग्रेसला ३० जागा मिळण्याची शक्यता आहे. या सर्वेक्षणात आप या पक्षाला एक जागा मिळेल असे दिसते. झी न्यूज आणि बीएआरसीच्या सर्वेक्षणात हिमाचल प्रदेशमध्ये भाजपला ३८ तर काँग्रेसला २३ जागा मिळताना दिसत आहेत. या सर्वेक्षणातही आपला जागा दाखवण्यात आली आहे.

बैलगाडा शर्यत आली अंगलट! प्रेक्षकांची आरडाओरड, बैल गोंधळले, रनवे सोडून थेट शेतात ठोकली धूम

अ‍ॅक्सिस माय इंडिया-आज तकच्या सर्वेक्षणात काँग्रेसला कौल

अॅक्सिस माय इंडिया-आज तकच्या सर्वेक्षणानुसार हिमाचल प्रदेशमध्ये काँग्रेस ४४ टक्के मते मिळवून आघाडीवर आहे, तर भाजप ४२ टक्के मतांसह सरकारमधून बाहेर पडताना दिसत आहे. आपला फक्त २ टक्के मते मिळत आहेत, तर इतरांना १२ टक्के मते मिळत आहेत.

हिमाचलमध्ये कोणत्या पक्षाकडे कोणत्या वर्गाचा कल आहे

सी-व्होटर आणि आजतकच्या सर्वेक्षणानुसार हिमाचल प्रदेशमध्ये ४४ टक्के महिला आणि ४० टक्के पुरुषांनी भाजपला पाठिंबा दिल्याचे दिसत आहे. त्याचवेळी ४३ टक्के महिला आणि ४५ टक्के पुरुष काँग्रेसला पाठिंबा देताना दिसत आहेत. भाजपला ३४ टक्के अनुसूचित जाती (एससी), ४४ टक्के अनुसूचित जमाती (एसटी), ७ टक्के मुस्लिम, ४६ टक्के इतर मागासवर्ग (ओबीसी) आणि ५० टक्के घेराची मते मिळत आहेत. दुसरीकडे, काँग्रेसला ५२ टक्के एससी, ४३ टक्के एसटी, ६५ टक्के मुस्लिम, ४३ टक्के ओबीसी आणि ३४ टक्के घिरथ मतदारांचा पाठिंबा मिळत असल्याचे दिसते.

लोहगडावर फिरणे पडले महागात!, पेण येथील विद्यार्थ्यांची बस ४० फूट खोल दरीत कोसळली

LEAVE A REPLY

Please enter your comment!
Please enter your name here