Cyrus Mistry accident, जिथे सायरस मिस्त्रींनी जीव गमावला; तिथे महत्त्वाची उपाययोजना; अपघात टाळण्यासाठी उपाय शोधला – nhai installs crash cushion at cyrus mistry accident spot

रायगड: उद्योगपती आणि टाटा समूहाचे माजी संचालक सायरस मिस्त्री यांच्या अपघाती मृत्यूमुळे उद्योगविश्व हादरलं. रायगडमधील चारोटी डहाणू परिसरात मिस्त्री यांच्या कारला अपघात झाला. भरधाव वेगानं धावत असणारी कार सूर्या नदीवर असणाऱ्या पुलावर अपघातग्रस्त झाली. या ठिकाणी रस्त्याची रचना सदोष आहे. पुलाच्या ठिकाणी रस्ता अरुंद होतो. त्यामुळे आता या ठिकाणी होणारे अपघात टाळण्यासाठी राष्ट्रीय महामार्ग प्राधिकरणानं महत्त्वाची उपाययोजना केली आहे.

सूर्या नदीवरील पुलाच्या ठिकाणी रस्ता अरुंद होतो. त्यामुळे चालकांना अडचणी येतात. त्यासोबतच रस्त्यावर अचानक येणारा दुभाजक अडथळा ठरतो. मिस्त्री यांची भरधाव वेगानं धावणारी मर्सिडीज याच दुभाजकावर आदळली. त्यामुळे या ठिकाणी राष्ट्रीय महामार्ग प्राधिकरणा क्रॅश कुशन लावण्यात आलं आहे. मिस्त्री यांच्या कारनं वेगमर्यादा ओलांडली होती. त्यामुळे कारच्या चालकाविरोधात गुन्हादेखील दाखल झाला होता.
पोलीस अधिकारी वाहनं तपासायचा, कागदपत्रं मागायचा; चालक कावले, धागेदारे सूतगिरणीपर्यंत गेले
मिस्त्री यांच्या कारला ज्या भागात अपघात झाला, तिथल्या रस्त्याची रचना सदोष असल्याचं तपासातून समोर आलं होतं. त्यामुळेच आता राष्ट्रीय महामार्ग प्राधिकरणानं तिथे क्रॅश कुशन लावलं आहे. क्रॅश कुशनला कार धडकल्यास कारचं नुकसान कमी होतं. त्यामुळे वाहनांमधील प्रवाशांचा जीव वाचतो. अशाच प्रकारच्या उपाययोजना नद्यांवरील इतर पुलांवरही करण्याचा राष्ट्रीय महामार्ग प्राधिकरणाचा मानस आहे.

४ सप्टेंबरला टाटा समूहाचे माजी संचालक सायरस मिस्त्री यांच्या कारला चारोटी डहाणू येथे अपघात झाला. अपघातात चार जणांचा अपघात झाला. त्यांनी सीट बेल्ट घातले नसल्याचं तपासातून उघडकीस आलं. पोलीस, आरटीओ आणि कार निर्मिती कंपनी मर्सिडीजसह अन्य शासकीय यंत्रणांनी अपघाताचा तपास केला.
बायको घरमालकासोबत ल्युडो खेळू लागली; स्वत:ला पणाला लावून हरली, पतीला कॉल केला अन् मग…
डॉ. अनाहिता पांडोळे मर्सिडीज कार चालवत होत्या. त्यादेखील अपघातात जबर जखमी झाल्या. त्यांच्याविरोधात ५ कासा पोलीस स्थानकात वेगमर्यादा ओलांडल्याचा, कार चालवताना हलगर्जीपणा केल्याचा आणि चुकीच्या बाजूनं ओव्हरटेक केल्याचा गुन्हा दाखल करण्यात आला. सूर्या नदीवरील पुलावर सुरक्षेच्या पुरेशा उपाययोजना नसल्याचं, चालकांना धोक्याचा इशारा देणारे फलक नसल्याचं तपासातून समोर आलं होतं.