सिंगापूर : फोर्ब्सची आशियातील हिरोज ऑफ फिलान्थ्रॉपी यादी मंगळवारी जाहीर करण्यात आली आहे. या यादीच्या १६व्या आवृत्तीत भारतीय अब्जाधीश उद्योगपती- गौतम अदानी, शिव नाडर यांच्यासह अशोक सूता यांचे नाव समाविष्ट करण्यात आले आहेत. यासोबतच मलेशियन-भारतीय अब्जाधीश उद्योगपती ब्रह्मल वासुदेवन आणि त्यांची वकील पत्नी शांती कंडिया यांनाही यादीत स्थान देण्यात आले आहे. या यादीमध्ये, कोणत्याही क्रमवारीशिवाय, आशिया-पॅसिफिक प्रदेशात अग्रगण्य परोपकारी कार्य करणाऱ्या लोकांचा समावेश आहे, असे फोर्ब्सने एका निवेदनात म्हटले आहे.

अदानींच्या कंपनीत कमाईची बंपर संधी! तीन वर्षात शेअर्स हजार पटींनी वर चढले, गुंतवणूकदरांची भरभराट होणार
हजारो कोटींचे दान
भारत आणि आशियातील श्रीमंत अदानींनी या वर्षी जूनमध्ये ६० वर्षांचे झाल्यावर ६० हजार कोटी रुपये (७.७ अब्ज) खर्च करण्याचे वचन दिले. यानंतर त्यांचा या यादीत समावेश करण्यात आला आहे. मुळे अदानी भारतातील आघाडीचे परोपकारी बनले आहेत. हा पैसा आरोग्यसेवा, शिक्षण आणि कौशल्य विकासावर खर्च केला जाणार असून ही रक्कम अदानी फाऊंडेशनच्या माध्यमातून सेवाभावी कामांसाठी खर्च करण्यात येणार आहे. अदानी फाउंडेशनची स्थापना १९९६ मध्ये झाली. तर दरवर्षी या फाउंडेशनद्वारे भारतातील ३.७ लाख लोकांना मदत पुरवली जाते.

भारतातील सर्वात श्रीमंत व्यक्तीचा माध्यम क्षेत्रातही दबदबा; अदानी NDTV चे सर्वात मोठे शेअरहोल्डर
शिव नाडरही यादीत
स्वबळावर अब्जाधीश बनलेल्या शिव नाडर यांची गणना देशातील आघाडीच्या देणगीदारांमध्ये केली जाते. शिव नादर फाउंडेशनच्या माध्यमातून त्यांनी एका दशकात धर्मादाय कार्यात एक अब्ज डॉलर्सची गुंतवणूक करत या वर्षी त्यांनी ११,६०० कोटी रुपये (१४२ दशलक्ष डॉलर) फाउंडेशनला दान केले आहेत. या फाउंडेशनची स्थापना १९९४ मध्ये झाली. नाडर हे एचसीएल टेक्नॉलॉजीजचे सह-संस्थापक आहेत. फाउंडेशनच्या मदतीने त्यांनी शाळा, विद्यापीठे अशा अनेक शैक्षणिक संस्था स्थापन केल्या आहेत.

मुकेश अंबानींनी बाजी मारली… रिलायन्स सर्वात मौल्यवान तर अदानींच्या कंपन्या तळाशी!
एचसीएल टेक्नॉलॉजीजची सह-संस्थापना करणाऱ्या नाडर यांनी फाऊंडेशनद्वारे शाळा आणि विद्यापीठे यांसारख्या शैक्षणिक संस्था स्थापन करण्यात मदत केली आहे, जी कला आणि संस्कृतीला प्रोत्साहन देते. २०२१ मध्ये नाडर आयटी सेवा कंपनीतील कार्यकारी पदावरून पायउतार झाले.

या लोकांनी दानही दिले
तंत्रज्ञान क्षेत्रातील दिग्गज अशोक सूता यांनी वैद्यकीय संशोधनासाठी एका ट्रस्टला रु. ६०० कोटी (७५ दशलक्ष डॉलर) देण्याचे वचन दिले असून २०२१ मध्ये त्यांनी या ट्रस्टची स्थापना केली. तसेच मलेशियन-भारतीय ब्रह्मल वासुदेवन, क्वालालंपूरस्थित प्रायव्हेट इक्विटी फर्म क्रेडॉरचे संस्थापक आणि मुख्य कार्यकारी अधिकारी (CEO) आणि त्यांची वकील पत्नी शांती कंडिया क्रेडॉर फाउंडेशनच्या माध्यमातून मलेशिया आणि भारतातील स्थानिक समुदायांना मदत करतात. ही आणखी एक विनानफा संस्था आहे, जी २०१८ मध्ये सह-स्थापित झाली होती. या वर्षी मे महिन्यात त्यांनी शिक्षण रुग्णालय बांधण्यासाठी ५० दशलक्ष मलेशियन रिंगिट (११ दशलक्ष डॉलर) देण्याचे वाचन दिले.

LEAVE A REPLY

Please enter your comment!
Please enter your name here