woman commits suicide, मॅट्रिमोनियलवर जुळलं; काही दिवसांतच छळ सुरू; अनेक वर्ष सहन केल्यावर महिलेचं टोकाचं पाऊल – navi mumbai woman dies after jumping off building with 5 year old son

कोपरखैरणे पोलिसांनी या प्रकरणी मृत विवाहितेच्या पतीसह सासू व नणंदेच्या विरोधात छळवणुकीसह आत्महत्येस प्रवृत्त केल्याप्रकरणी गुन्हा दाखल करुन पतीला अटक केली आहे. विवाहितेचे नाव आरती विजेंद्र मल्होत्रा असे असून जानेवारी २०१६ मध्ये तिचा विवाह ऑनलाईन मॅट्रिमॉनियल साईटवरुन कोपरखैरणे येथे राहणाऱ्या विजेंद्र मल्होत्रासोबत झाला होता. त्यानंतर आरती पती, सासू-सासरे व नणंद या सर्वांसह कोपरखैरणे सेक्टर २० मधील श्री रावेची अपार्टमेंटमध्ये सातव्या मजल्यावर राहत होती.
ल्युडोमध्ये स्वत:ला पणाला लावून महिला हरली; प्रकरणात आता नवा ट्विस्ट; पोलीस म्हणतात…
लग्नाच्या काही दिवसांनंतर सासरकडील मंडळीनी तिचा शारीरीक व मानसिक छळ करण्यास सुरुवात केली. सोमवारी सासू आणि नणंद यांनी आरतीला तिच्या मुलापासून दूर ठेऊन घराबाहेर जाण्यास सांगितले. यामुळे आरतीने हे टोकाचे पाऊल उचलले असल्याची तक्रार आरतीच्या भावाने कोपरखेरणे पोलीस ठाण्यात केल्यावर पोलिसांनी गुन्हा दाखल करत पतीला अटक केली आहे.