नवी दिल्ली: दिल्ली महापालिका निवडणुकीत आम आदमी पक्षानं बाजी मारली. त्यामुळे महापालिकेतील भारतीय जनता पक्षाची १५ वर्षांपासूनची सत्ता खालसा झाली आहे. राज्यापाठोपाठ महापालिकेत सत्ता आणण्याची किमया आपनं करून दाखवली. मात्र मुख्यमंत्री आणि पक्षाचे संयोजक अरविंद केजरीवाल यांच्यासमोर वेगळंच टेन्शन आहे. आपला निवडणुकीत ४२ टक्क्यांच्या आसपास मतं मिळाली. गेल्या विधानसभा निवडणुकीत आपला ५३.५७ टक्के मिळाली होती. त्यामुळे ११ टक्के मतं कुठे गेली, असा प्रश्न निर्माण झाला आहे.

दिल्ली महापालिका निवडणुकीत आपला ४२.३५ टक्के, भाजपला ३९.२३ टक्के आणि काँग्रेसला १२.६ टक्के मतं मिळाली. दोन वर्षांपूर्वी दिल्ली विधानसभेची निवडणूक झाली. त्यावेळी आपला ५३.५७ टक्के, भाजपला ३८.५१ टक्के आणि काँग्रेसला ४.२६ टक्के मतदान झालं होतं. दोन वर्षांमधील निवडणुकांमधील मतदानाची तुलना करता, भाजपला मिळालेली मतं तितकीच आहेत.
भाजपनं दिल्ली महापालिका गमावली पण मुख्यमंत्रिपदासाठी नवा चेहरा भेटला? नेटकऱ्यांमध्ये गंभीरची जोरदार चर्चा
नेमकी आकडेवारी पाहिल्यास भाजपला दिल्ली विधानसभेच्या तुलनेत पालिकेत ०.७२ टक्के अधिकम मतदान झालं आहे. मात्र आपला मिळालेल्या मतांमध्ये मोठा फरक दिसून येत आहे. आपला मिळालेली मतं ११.२२ टक्क्यांनी घटली आहेत. काँग्रेसनं विधानसभेच्या तुलनेत पालिका निवडणुकीत जास्त मतं घेतली. विधानसभा निवडणुकीत केवळ ४.२६ टक्के मतदारांनी काँग्रेसला मतदान केलं. मात्र पालिका निवडणुकीत हाच आकडा १२.१६ टक्क्यांवर पोहोचला. म्हणजेच काँग्रेसला झालेलं मतदान ७.९ टक्के जास्त आहे.
दिल्लीत आपचा भाजपला दे धक्का, १५ वर्षांची सत्ता कशी पालटली? केजरीवालांनी त्रिसुत्री सांगितली
महापालिका निवडणुकीत आपच्या जागा वाढल्या, त्यांची सत्तादेखील आली. मात्र मतदारांची संख्या कमी झाली आहे. मुस्लिमबहुल परिसरात, झोपडपट्ट्यांचं प्रमाण अधिक असलेल्या भागांमध्ये आपच्या अनेक उमेदवारांना पराभवाचा सामना करावा लागला आहे. काही मुस्लिम आणि गरिब मतदार आपपासून दुरावले आहेत. आपसाठी ही धोक्याची घंटा मानली जात आहे.

LEAVE A REPLY

Please enter your comment!
Please enter your name here