delhi mcd election results, मीना, शकिला अन् गजेंद्र; तीन नावांपुढे अपयशी ठरले आप, भाजपचे धुरंदर; दिल्लीत दणका – delhi mcd election results only 3 independent candidates won by defeating bjp aap and congress

मुंडका, ईसापूर आणि सीलमपूरमध्ये अपक्ष उमेदवार विजयी झाले आहेत. संपूर्ण दिल्लीत आप आणि भाजपचा डंका पाहायला मिळत असताना तीन वॉर्डांमध्ये मात्र अपक्षांनी कमाल केली. सीलमपूरमध्ये शकिला बेगम विजयी झाल्या. मुंडकामध्ये गजेंद्र सिंह दराल यांनी बाजी मारली. तर ईसापूरमधून मीना देवी यांनी विजय खेचून आणला.
दिल्ली पालिकेत आपची सत्ता, पण ११ टक्क्यांनी वाढवली केजरींची चिंता; चक्रावून टाकणारी आकडेवारी
इशान्य दिल्लीतील सीलमपूर मतदारासंघात मुस्लिमांचं प्राबल्य आहे. इथे एकूण ७ उमेदवार मैदानात होते. वॉर्ड महिलांसाठी राखीव होता. शकिला बेगम याआधी इथे बहुजन समाज पक्षाच्या तिकिटावर विजयी झाल्या होत्या. मात्र यंदा त्या अपक्ष उमेदवार म्हणून रिंगणात उतरल्या. शकिला याआधी दोनदा नगरसेविका राहिल्या आहेत. त्यांचे पती आधी बसप आणि आपमध्ये होते.
भाजपनं दिल्ली महापालिका गमावली पण मुख्यमंत्रिपदासाठी नवा चेहरा भेटला? नेटकऱ्यांमध्ये गंभीरची जोरदार चर्चा
दिल्ली महापालिकेतील १२६ क्रमांकाचा (ईसापूर) वॉर्डदेखील महिलांसाठी राखीव होता. ईसापूरमधून मीना देवी विजयी झाल्या. या ठिकाणी एकूण ८ जण रिंगणात होते. वॉर्ड क्रमांक ३५ (मुंडका) मधून अपक्ष उमेदवार गजेंद्र सिंह दराल विजयी झाले. हा वॉर्ड खुल्या प्रवर्गासाठी आरक्षित होता. हा वॉर्ड मुंडका विधानसभा मतदारसंघात येतो.