Himachal Pradesh elections results 2022 | हिमाचल प्रदेशात गेल्या ३७ वर्षापासून भाजप आणि काँग्रेस यांना आलटून पालटून सत्ता मिळत आहे. पण यावेळी एक्झिट पोल्सनी त्रिशंकू परिस्थितीचा अंदाज वर्तविला आहे. मतमोजणीचे सध्याचे कल पाहता हा अंदाज खरा ठरताना दिसत आहे. त्यामुळे येत्या काही तासांमध्ये हिमालच प्रदेशात पडद्यामागे घडणाऱ्या हालचालींवर सर्वांचे लक्ष लागले आहे.
हायलाइट्स:
- हिमाचल प्रदेशात भाजप ३४ आणि काँग्रेस ३१ जागांवर आघाडीवर
- आम आदमी पक्षाचा एकही उमेदवार आघाडीवर नाही
- काँग्रेस आणि भाजप आळीपाळीने आघाडी घेताना दिसत आहेत
शेअर बाजाराची सपाट सुरुवात, सेन्सेक्स आणि निफ्टी लाल चिन्हात; गुजरात निवडणुकीच्या निकालांवर बारीक लक्षया पार्श्वभूमीवर भाजपच्या केंद्रीय नेतृत्त्वाने आता हिमाचल प्रदेशात आता सत्तास्थापन करण्यासाठी हालचाली सुरु केल्या आहेत. त्यासाठी भाजपचे महासचिव विनोद तावडे यांना शिमला येथे पाठवण्यात आले आहे. त्यामुळे हिमाचल प्रदेशातील सत्तास्थापनेच्या वाटाघाटींमध्ये विनोद तावडे हे महत्त्वाची भूमिका बजावतील, असे दिसत आहे. केंद्रीय नेतृत्त्वाने विनोद तावडे यांना कोणता संदेश देऊन हिमाचल प्रदेशात पाठवले आहे, हे अद्याप समोर आलेले नाही. परंतु, भाजपने हिमाचल प्रदेशात त्रिशंकू परिस्थिती निर्माण होईल, हे गृहीत धरून हालचालींना सुरुवात केल्याचे स्पष्ट होत आहे.
भाजप आणि काँग्रेसची अपक्षांना गळाला लावण्यासाठी मोर्चेबांधणी
भाजप आणि काँग्रेस या दोन प्रमुख पक्षांनी पाठिंबा मिळवण्यासाठी आधीपासूनच हालचाली सुरु केल्या होत्या. निवडून येण्याची चिन्हे असलेल्या अपक्ष उमेदवारांशी दोन्ही पक्षांकडून संपर्क साधला जात आहे. हिमाचल प्रदेशमध्ये सत्ता स्थापन करण्यासाठी पक्षाला किमान ३५ आमदारांच्या पाठिंब्याची आवश्यकता आहे. सध्याची परिस्थिती पाहता याठिकाणी काँग्रेस आणि भाजपला ३३ अशा समसमान जागा मिळण्याची शक्यता आहे. त्यामुळे सत्तास्थापनेत अपक्षांची भूमिका निर्णायक ठरणार आहे. 
Gujarat Election Results: गुजरातमध्ये मतपेट्या उघडताच भाजपला भरभरुन मतं, रेकॉर्ड तोडला, ऐतिहासिक विजयाचे संकेत
यंदा जवळपास ९१ अपक्ष उमेदवारांनी निवडणूक लढवली आहे. त्यापैकी सुमारे दोन डझन उमेदवार तर बंडखोर आहेत. हे बंडखोर उमेदवार पक्षांच्या अधिकृत उमेदवारांची मते खाऊ शकतात. ज्या अपक्षांच्या जिंकण्याच्या शक्यता अधिक आहेत, अशांवर भाजप आणि काँग्रेस या दोन्ही पक्षांनी लक्ष केंद्रित केले होते.
भाजपकडून तिकीट नाकारले गेल्यामुळे अपक्ष म्हणून उभे राहिलेले के. एल. ठाकूर आणि मनोहर धिमान यांनीही दोन्ही पक्षांकडून आपल्याला विचारणा झाल्याचे सांगितले आहे. मात्र अधिकृतरीत्या निकाल जाहीर होईपर्यंत तरी ते त्यांचे पत्ते खुले करणार नाहीत. तर, स्वत:ला बंडखोर न समजता लोकांचा उमेदवार म्हणून जाहीर करणारे राम सिंग या अपक्ष उमेदवारांनीही ८ डिसेंबरनंतरच कोणाला पाठिंबा द्यायचा, याचा निर्णय घेतला जाईल, असे स्पष्ट केले होते.
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
