आयपीओलाही गुंतवणूकदारांचा चांगला प्रतिसाद मिळाला होता. कंपनीचा आयपीओ २८ नोव्हेंबर ते ३० नोव्हेंबर २०२२ पर्यंत गुंतवणुकीसाठी खुला होता. आयपीओ साठी २१६-२३७ रुपयांचा प्राइस बँड निश्चित करण्यात आला होता. तर इश्यूचा आकार २५१ कोटी रुपये होता.
गुंतवणूकदारांसाठी मोठी बातमी! बाजारातील कामकाजाची वेळ बदलली, जाणून घ्या नवीन टाइम टेबल
शेअरमध्ये गुंतवणूकदारांनी काय करावे?
स्वस्तिका इन्व्हेस्टमार्ट लिमिटेडचे संतोष मीना म्हटले की, धर्मज क्रॉपने शेअर बाजारात सकारात्मक प्रवेश केला आहे. सूचिबद्ध होताच गुंतवणुकदारांना १५ टक्क्यांहून अधिक परतावा मिळाला आहे. कंपनीचा दीर्घकालीन दृष्टिकोन सकारात्मक आहे. मूल्यांकन अजूनही वाजवी दिसते. त्यामुळे ज्यांच्याकडे शेअर्स आहेत ते ते ठेवू शकतात.
आयपीओ ३४.५ पट भरला गेला
धर्मज क्रॉप गार्डचा आयपीओ ५० टक्के शेअर्ससह राखीव असलेल्या पात्र संस्थात्मक खरेदीदारांच्या श्रेणीमध्ये ४८.२१ पट भरला गेला. तर गैर-संस्थात्मक गुंतवणूकदारांच्या श्रेणीमध्ये ५२.२९ पट भरला गेला. याव्यतिरिक्त, किरकोळ वैयक्तिक गुंतवणूकदारांसाठी (आरआयआय) ३५ टक्के राखीव भाग २१.५३ पट भरला.
एका शेअरमुळे गुंतवणूकदार मालामाल; तीन वर्षात मल्टीबॅगर परतावा, आता देणार बोनस शेअरचे गिफ्ट!
कंपनीची आर्थिक स्थिती जाणून घ्या
ब्रोकरेज हाऊस आनंद राठी यांनी दिलेल्या माहितीनुसार, कंपनीच्या कामकाजातून मिळणारा महसूल आर्थिक वर्ष २०२० ते आर्थिक वर्ष २०२२ या कालावधीत ४१.०२ टक्के CAGR ने वाढला आहे. त्याच वेळी, या कालावधीत करानंतरचा नफा (PAT) ६३.३० टक्के CAGR ने वाढला आहे. कंपनीकडे मजबूत वितरण जाळे आणि मजबूत ब्रँडेड उत्पादने आहेत. भविष्यात कंपनीचा नफा आणि मार्जिन अधिक चांगले होऊ शकते.
गुंतवणूकदारांच्या कामाची बातमी! शॉर्ट टर्म गुंतवणुकीत मिळेल खात्रीशीर परतावा, या स्टॉक्सवर नजर टाका
कंपनीच्या दृष्टिकोनावर मत
कीटकनाशक उद्योगातील वाढीची गती कायम राहण्याची अपेक्षा आहे, असे ब्रोकरेज हाऊस स्वस्तिका इन्व्हेस्टमार्टचे म्हटले. कृषी क्षेत्रावर सरकारचे लक्ष, निर्यातीतून वाढती मागणी याचाही कंपनीला फायदा होणार आहे. चीनवरील अवलंबित्व कमी करून स्वावलंबन सुधारण्याच्या सरकारच्या उद्दिष्टाचाही या उद्योगाला फायदा होईल.
