मैत्री, प्रेम अन् हॉटेलात गेम; यूट्यूबरनं बिझनेसमनला ८० लाखांना गंडवले; ‘असा’ झाला पर्दाफाश
शुक्ला यांचा खून उघडकीस येण्याच्या तीन दिवस आधी सीताराम शुक्ला यांच्या घरात रात्री शिरला होता, अशी माहिती तपासातून उघडकीस आली. यानंतर घर बाहेरून बंद करण्यात आलं सीतारामनं घरातून भांडी चोरली होती. सीतारामला आधीपासूनच चोरी करण्याची सवय असल्याचं त्याच्या भावंडांनी पोलिसांना सांगितलं. यानंतर सीतारामच्या अटकेसाठी वॉरंट काढण्यात आलं.
सीताराम भाटणेविरोधात कलम ३०२ आणि ३९२ च्या अंतर्गत गुन्हे नोंदवण्यात आले. तत्कालीन पोलीस निरीक्षक व्ही. एस. सेठी यांनी सीतारामविरोधात सरदार नगर पोलीस ठाण्यात गुन्हा दाखल केला. गुजरात विधानसभा निवडणुकीच्या पार्श्वभूमीवर पोलिसांनी फरार गुन्हेगारांचा शोध सुरू केला. काही गुन्हेगारांचा ठावठिकाणा शोधण्यासाठी त्यांनी महाराष्ट्र पोलिसांशी संपर्क साधला. यातून त्यांना सीतारामचा शोध लागला.
डझनभर टेस्ट वाया; डॉक्टरचं लक्ष केसांकडे जाताच ‘केस’ सॉल्व्ह; विष देणारी बायको गजाआड
सीतारामला नगरमधील राजनी गावातून अचक करण्यात आली. तो गावात भजन गात फिरायचा, अशी माहिती सरदार नगर पोलीस ठाण्याचे विद्यमान तपास अधिकारी पी. व्ही. गोहिल यांनी दिली. मणी शुक्ला रात्री झोपलेल्या असताना सीताराम त्यांच्या घरात शिरला. तो भांडी चोरत असताना शुक्ला यांना जाग आली. त्यांनी सीतारामला रोखण्याचा प्रयत्न केला. यावेळी सीताराम यांनी शुक्ला यांची हत्या करून पळ काढला.
सीतारामकडे कोणतंही काम नव्हतं. हत्या केल्यानंतर तो पळून गेला. आमचे काही नातेवाईक नगरच्या पाथर्डीत राहतात. सीतारामनं याआधीही काही गुन्हे केले आहेत, अशी माहिती महादेव आणि नारायणनं पोलिसांना दिली. पाथर्डी पोलिसांना अहमदाबाद पोलिसांनी नोटीस पाठवली होती. त्यामुळे त्यांना या प्रकरणाची कल्पना होती.
नगर पोलिसांना योगायोगानं सीताराम दिसला. मात्र त्याची ओळख पटत नव्हती. अखेर ३ दिवसांपूर्वी पोलीस गावात गेले. त्यांनी आधार कार्डच्या मदतीनं सीतारामची ओळख पटवली. त्यानं गुन्ह्याची कबुली दिली. यानंतर अहमदाबाद पोलिसांनी त्याचा ताबा घेतला.
