Election results in Gujrat and Himachal Pradesh | एका बाजूला गुजरातमध्ये भाजपला घवघवीत यश मिळाले असताना हिमाचल प्रदेश विधानसभा आणि देशभरातील पोटनिवडणुकांमध्ये मात्र भाजपला मोठा फटका बसल्याचे दिसत आहे. काल दिल्ली महानगरपालिकेच्या निवडणुकीतही भाजपचा पराभव झाला होता. याठिकाणी आपने भाजपची दिल्ली महानगरपालिकेतील १५ वर्षांची सत्ता हिसकावून घेतली होती. हा भाजपसाठी मोठा झटका ठरला होता.

 

PM Modi
पंतप्रधान नरेंद्र मोदी

हायलाइट्स:

  • २००२ साली सर्वाधिक १२७ जागांवर विजय मिळवला होता
  • यंदाच्या निवडणुकीत भाजपने हा विक्रम मोडीत काढला आहे
  • देशभरातील पोटनिवडणुकांमध्ये मात्र भाजपला मोठा फटका बसला आहे
नवी दिल्ली: नरेंद्र मोदी यांच्या भाजपने गुजरात विधानसभा निवडणुकीच्या गुरुवारी जाहीर झालेल्या निकालांमध्ये घवघवीत यश मिळवले. नरेंद्र मोदी गुजरातमध्ये मुख्यमंत्री असताना भाजपने २००२ साली सर्वाधिक १२७ जागांवर विजय मिळवला होता. मात्र, यंदाच्या निवडणुकीत भाजपने हा विक्रम मोडीत काढला आहे. मतमोजणीच्या सध्याच्या आकडेवारीनुसार भाजप १८२ पैकी १५४ जागांवर आघाडीवर आहे. हा ट्रेंड शेवटपर्यंत कायम राहिल्यास भाजपला गुजरातमध्ये न भूतो न भविष्यती असा विजय मिळणार आहे. एका बाजूला गुजरातमध्ये भाजपला घवघवीत यश मिळाले असताना हिमाचल प्रदेश विधानसभा आणि देशभरातील पोटनिवडणुकांमध्ये मात्र भाजपला मोठा फटका बसल्याचे दिसत आहे.

अनेक एक्झिट पोल्सनी हिमाचल प्रदेशमध्ये त्रिशंकू परिस्थिती निर्माण होईल, असा अंदाज वर्तविला होता. या परिस्थितीत भाजप आपली केंद्रातील रसद वापरुन सहजपणे सत्तास्थापन करेल, असे म्हटले जात होते. मतमोजणीच्या सुरुवातीच्या टप्प्यात हा अंदाज खरा ठरतानाही दिसत होता. परंतु, काही तासानंतर हे चित्र पालटले. मतमोजणीच्या सध्याच्या आकडेवारीनुसार, हिमाचल प्रदेशातील एकूण ६८ जागांपैकी ३८ जागांवर काँग्रेसचे उमेदवार आघाडीवर आहेत. तर भाजपला फक्त २७ जागांपर्यंत मजल मारता आली आहे. तीन जागांवर अपक्ष उमदेवार जिंकण्याची शक्यता आहे. हिमाचल विधानसभेत बहुमताची मॅजिक फिगर ३५ आहे. त्यामुळे सध्याची परिस्थिती पाहता हिमाचल प्रदेशात काँग्रेस पक्ष सहज सत्तास्थापन करेल, असे दिसत आहे.
Himachal Pradesh मध्ये भाजपच्या गुप्त हालचाली, काँग्रेस सावध, आमदारांना रिसॉर्टमध्ये नेणार?
तर देशातील सात पोटनिवडणुकांमध्येही भाजपला फटका बसताना दिसत आहे. बहुतांश ठिकाणी भाजपचे उमेदवार पिछाडीवर आहेत. उत्तर प्रदेशच्या मैनपूर लोकसभा मतदारसंघात भाजपच्या उमेदवाराचा पराभव होण्याची दाट शक्यता आहे. याठिकाणी समाजवादी पक्षाच्या उमेदवार डिंपल यादव यांना आतापर्यंत १६२१३६ मतं मिळाली आहेत. तर भाजपच्या रघुराज शक्य यांना ८४०९९ मतं मिळाली आहेत. त्यामुळे सध्याच्या घडीला डिंपल यादव तब्बल ७८ हजार मतांनी आघाडीवर आहेत. तसेच रामपूर सदर येथील पोटनिवडणुकीतही भाजपचे उमेदवार आकाश सक्सेना ५१ हजार मतांनी पिछाडीवर आहेत.

याशिवाय बिहारच्या खतौली पोटनिवडणुकीत राजदचे उमेदवार मदन भैया हे भाजपच्या उमेदवारापेक्षा ८५३४ मतांनी आघाडीवर आहेत. तर कुढनी मतदारसंघात जदयूचा उमेदवार भाजपच्या उमदेवारापेक्षा ११७६ मतांनी आघाडीवर आहे.

छत्तीसगढमध्ये भानुप्रतापपूरच्या जागेवरही काँग्रेसकडून भाजपचा पराभव होण्याची शक्यता आहे. याठिकाणी काँग्रेसच्या सावित्री मनोज मांडवी भाजपच्या उमेदवारापेक्षा १२४३६ मतांनी पिछाडीवर आहेत.
Gujarat Election: गुजरातमध्ये भाजपला घवघवीत यश; संजय राऊत म्हणाले, ‘…तर निकाल वेगळा असता’
ओदिशाच्या पदमपूर विधानसभा मतदारसंघातील पोटनिवडणुकीत बीजू जनता दलाचा उमेदवार भाजपपेक्षा आघाडीवर आहे. बीजेडीच्या उमेदवार वर्षा सिंह यांच्याकडे १९४२५ मतांची आघाडी आहे.

राजस्थानच्या सरदारशहर विधानसभा मतदारसंघाच्या पोटनिवडणुकीत भाजपची अवस्था फारशी चांगली नाही. या जागेवर भाजपचे अशोक कुमार काँग्रेसच्या अनिल कुमार शर्मा यांच्यापेक्षा २१ हजार मतांनी पिछाडीवर आहेत.

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Get India news, latest marathi news headlines from all states of India. Stay updated with us to get latest India news in marathi.

LEAVE A REPLY

Please enter your comment!
Please enter your name here