पुणे : आयुष्यमान भारत योजनेतून राष्ट्रीय आरोग्य अभियानाअंतर्गत आरोग्यवर्धिनी केंद्रात १४०६ समुदाय व आरोग्य अधिकारी यांची पदे रिक्त होती. त्यानुसार या पदांसाठी जाहिरात प्रसिद्ध करण्यात येत आहे. यामुळे प्राथमिक आरोग्य सेवा अधिक सक्षम होईल, असे मत पुणे येथे आरोग्य सेवेचा आढावा घेतांना आरोग्य मंत्री डॉ. तानाजी सावंत यांनी यांनी व्यक्त केले.

केंद्र शासनाने डिसेंबर २०२२ पर्यंत १०३५६ आरोग्य केंद्रे कार्यान्वित करण्याचे लक्ष राज्याला दिले होते. राज्याने आतापर्यंत ८३३० उपकेंद्रे, १८६२ प्राथमिक आरोग्य केंद्रे व ५८२ नागरी प्राथमिक आरोग्य केंद्र अशी १०७७४ आरोग्य केंद्रे ही आरोग्यवर्धिनी केंद्रात कार्यान्वित केली आहेत. राज्यातील उपकेंद्रांद्वारे ५००० लोकसंख्येला आरोग्यवर्धिनी केंद्रे निर्माण करण्यात आली आहेत. या केंद्रांमध्ये १३ प्रकारच्या सेवा रुग्णांना दिल्या जात आहेत.

आरे कॉलनीत बिबट्याचे मानवासोबत सहअस्तित्व; कॅमेरा ट्रॅप छायाचित्राला पारितोषिक
यांमध्ये प्रामुख्याने प्रसुती पूर्व, प्रसूती सेवा, नवजात बालकांना सेवा, बाल व किशोरवयीन आजार व लसीकरण, कुटुंब नियोजन गर्भनिरोधक आवश्यक सेवा, सामान्य रोगाची बाह्यरुग्ण सेवा, संसर्गजन्य रोग नियोजन, असंसर्गजन्य रोग व तपासणी, मानसिक आरोग्य नियोजन, कान, नाक, घसा डोळे व सामान्य आजार संबंधीच्या सेवा, दंत मुखरोग आरोग्य, वाढत्या वयातील आजार व परिहारक उपचार, प्राथमिक उपचार व आपत्कालीन सेवा, आयुष व योग अशा सेवांचा यात समावेश आहे.

भाजपला गुजरातेत खुशी, हिमाचलमध्ये गम; आप बनला राष्ट्रीय पक्ष, वाचा, टॉप १० न्यूज
या प्रत्येक आरोग्यवर्धिनी केंद्रामध्ये समुदाय आरोग्य अधिकारी या पदावर आयुर्वेदिक, युनानी, बीएससी नर्सिंग पदवीधारक नियुक्त केले जात आहेत व त्यांच्याद्वारे या सुविधा तळागाळापर्यंत पोहोचण्यासाठी शासन प्रयत्नशील आहे. राज्यातील अशा रिक्त ठिकाणी समुदाय आरोग्य अधिकारी यांची उपकेंद्राच्या ठिकाणी नियुक्ती करण्याची बाब शासनाच्या विचाराधीन होती. या कारणास्तव राज्यातील उपकेंद्राच्या ठिकाणी समुदाय आरोग्य अधिकारी यांची नेमणूक करण्याकरिता या पदांच्या पदभरतीसाठी जाहिरात देण्यात येत आहे, असे सहसंचालक, डॉ.विजय कंदेवाड यांनी सांगितले .

असे काय झाले की हिमाचल प्रदेशात भाजपचा पराभव झाला?; हे महत्त्वाचे मुद्दे ठरले निर्णायक
सर्व आरोग्य वर्धिनी केंद्रातील रिक्त पदे भरली जातील व सामान्य माणसाला आरोग्य सुविधा मिळण्यास मदत होईल या साठी आपला प्राधान्यक्रम असेल असे आरोग्य मंत्री डॉ.तानाजी सावंत यांनी या वेळी स्पस्ट केले.

LEAVE A REPLY

Please enter your comment!
Please enter your name here