himachal pradesh election, तिकीट नाकारल्यानं भाजप सोडला; काँग्रेसमध्ये गेला, तिथूनही संधी नाही; हिमाचलमध्ये भलताच निकाल – himachal election result polls independent candidate ashish sharma wins from hamirpur

शिमला: हिमाचल प्रदेशात दर पाच वर्षांनी सत्ताधारी बदलतात. हिमाचलचे मतदार पाच वर्षांनी सत्तापालट करतात. ही परंपरा तोडण्यासाठी भाजपनं ‘राज नहीं रिवाज बदलो’ या टॅगलाईनवर प्रचार केला. मात्र तरीही भाजपला सत्ता राखता आली नाही. ६८ पैकी ४० जागा जिंकत काँग्रेसनं निवडणूक जिंकली. मात्र या निवडणुकीत हमीरपूर मतदारसंघ सर्वाधिक चर्चेत राहिला.

हमीरपूर मतदारसंघात आशिष शर्मा यांनी बाजी मारली. अपक्ष म्हणून निवडणूक लढवत शर्मा विजयी झाले. आशिष शर्मा भाजपमध्ये होते. मात्र त्यांना यावेळी तिकीट मिळालं नाही. त्यामुळे त्यांनी भाजपला रामराम करत काँग्रेसचा हात धरला. मात्र काँग्रेसनंही त्यांनी उमेदवारी दिली नाही. त्यामुळे नाराज झालेल्या शर्मांनी अवघ्या ४८ तासांत काँग्रेस सदस्यत्त्वाचा राजीनामा दिला आणि अपक्ष म्हणून उमेदवारी अर्ज भरला.
गुजरात गाजवलं, आता भाजप प्रचंड मोठा विक्रम करण्याच्या मार्गावर; सगळं आपोआप घडणार
काँग्रेस प्रभारी राजीव शुक्ला यांच्या उपस्थितीत शर्मांनी पक्षप्रवेश केला. मात्र आपल्याला तिकीट मिळणार नसल्याचं लक्षात येताच त्यांनी ४८ तासांत काँग्रेसचा हात सोडला. नामांकनाची वेळ संपायला अवघ्या दीड तासांचा अवधी शिल्लक असताना काँग्रेसनं हमीरपूरमध्ये उमेदवार दिला. शर्मांनी अपक्ष निवडणूक लढवत तब्बल ४७ टक्के मतं मिळाली. त्यामुळे काँग्रेस, भाजपचे नेते चकित झाले.

आशिष शर्मांनी २५ हजार ९१६ मतं घेत विजय मिळवला. इथे दुसऱ्या क्रमांकावर काँग्रेसचा उमेदवार आहे. काँग्रेसच्या पुष्पिंदर वर्मांना १३ हजार १७ मतं मिळाली. हिमाचल प्रदेशात भाजपमध्ये मोठी बंडखोरी पाहायला मिळाली. एकूण ३५ जणांनी बंडखोरी केली. पैकी केवळ दोन जिंकले. बाकीचे पराभूत झाले. मात्र त्यांनी अधिकृत उमेदवाराची मतं खाल्ली आणि भाजपला झटका दिला.
बहुमत मिळूनही काँग्रेस चिंतेत; बडा नेता लागला कामाला, दगाफटका टाळण्यासाठी चंदिगढला रवाना
भाजपचे बंडखोर होशियार सिंहदेखील विजयी
कांगडामधील देहरा विधानसभा मतदारसंघातून भाजपचे बंडखोर होशियार सिंह विजयी झाले. सिंह यांना २२ हजार ९९७ मतं मिळाली. तर भाजपच्या रमेश चंद यांना १६ हजार ७३० मतं मिळाली. काँग्रेसचे राजेश शर्मा दुसऱ्या क्रमांकावर राहिले. त्यांना १९ हजार १२० मतं मिळाली.