तिकीट नाकारल्यानं भाजप सोडला; काँग्रेसमध्ये गेला, तिथूनही संधी नाही; हिमाचलमध्ये भलताच निकाल
गेल्या विधानसभा निवडणुकीत भाजपचा दारुण पराभव झाला. या पराभवातून भाजप अद्याप सावरलेला नाही. आतापर्यंत तीनदा प्रदेशाध्यक्ष बदलले. सध्या खासदार अरुण साव प्रदेशाध्यक्ष आहेत. मात्र त्यांच्या नेतृत्त्वाखाली पक्षाला अद्याप तरी विशेष कामगिरी जमलेली नाही. भानुप्रतापपूरमध्ये भाजपनं बलात्काराचा आरोपी असलेल्या व्यक्तीला उमेदवारी दिली. त्याचा फटका भाजपला बसला.
भाजपची आपटी, काँग्रेसची उसळी
छत्तीसगडमध्ये आतापर्यंत पाच पोटनिवडणुका झाल्या. या सर्व जागा काँग्रेसनं जिंकल्या. दंतेवाडा, चित्रकोट, मरवाही, खैरागढनंतर आता काँग्रेसनंतर भानुप्रतापपूरमध्येही विजय मिळवला. राज्यात भाजपचे केवळ १४ आमदार आहेत. सातत्यानं होत असलेल्या पराभवांमुळे भाजपच्या अडचणी वाढत चालल्या आहेत. ४ वर्षांत ३ प्रभारी बदलले आहेत. मात्र भाजपचं नशीब काही बदलत नाही.
बहुमत मिळूनही काँग्रेस चिंतेत; बडा नेता लागला कामाला, दगाफटका टाळण्यासाठी चंदिगढला रवाना
मागील विधानसभा निवडणुकीतील पराभवानंतर सौदान सिंह यांच्याकडे प्रभारीपद दिलं. त्यानंतर अनिल जैन यांच्याकडे जबाबदारी सोपवली. मग डी. पुरंदेश्वरी यांनी सुत्रं हाती घेतली. सध्या ओम माथूर प्रभारीपद सांभाळत आहेत. मात्र आता भानुप्रतापपूरमध्ये भाजपला पराभव पत्करावा लागला आहे. पुढील वर्षी राज्यात विधानसभा निवडणूक आहे. भाजपनं याच प्रकारची कामगिरी केल्यास निवडणूक अवघड जाणार आहे.
