Rohit Sharma, मी संघासाठी खेळत नाही तर… टीम बाहेर गेल्यावर रोहित शर्माचं ट्विट झालं जगभरात व्हायरल – if i don’t play for the team… rohit sharma’s tweet went viral all over the world when he was injured

रोहित शर्माने आपल्या या ट्विटमध्ये दोन वाक्य लिहिली आहेत. रोहितने या ट्विटमध्ये तो फलंदाजीसाठी मैदानात उतरत असतानाचा फोटो लावला आहे. रोहितने त्यानंतर या ट्विटमध्ये लिहिले आहे की, ” मी फक्त संघासाठी मैदानात उतरत नाही, तर मी माझ्या देशासाठी मैदानात उतरतो.” दुखापतीनंतर रोहितचे हे ट्विट आता चांगलेच व्हायरल झाले आहे. कारण बोटाला गंभीर दुखापत होऊनही रोहित या सामन्यासाठी देशासाठी फलंदाजीला उतरला होता.

रोहित जेव्हा फलंदाजीला आला होत,तेव्हा भारतीय संघ पराभवाच्या छायेत होता. पण रोहितने फलंदाजीला आल्यावर धडाकेबाज फटकेबाजी केली आणि आपले अर्धशतकही झळकावले. रोहितने हा सामना अखेरचा चेंडूपर्यंत नेला होता. अखेरच्या चेंडूवर भारताला विजयासाठी सहा धावांची गरज होती आणि त्यावेळी रोहित शर्मा हा स्ट्राइकवर होता. त्यामुळे रोहितने षटकार खेचला असता तर भारतीय संंघ हा सामना जिंकू शकला असता. पण या चेंडूवर रोहितला षटकार खेचता आला नाही आणि त्यामुळे भारताचा पाच धावांनी पराभव झाला. पण रोहितने यावेळी आपल्या दुखापतीची तमा बाळगली नाही आणि तो देशासाठी मैदानात उतरला. रोहितचे हे ट्विट त्याच्या या गोष्टीशी जुळणारे आहे. त्यामुळेच रोहितने जे २०१९ साली जे ट्विट केले होते ते आता चांगलेच व्हायरल झालेले आहे.